قطي والكاتنيب
السلام عليكم ورحمة الله وبركاته
قطي الذكر بس يخدش في الأثاث وكثير الخدش لو إنه دوبه عامل خدش دقايق ويرجع يعملها ثاني!
بعد بحثي في النت قرأت إنه هذي الحركه علامه على عدم الأمان فينشط أظافيره للدفاع عن النفس!
مع إني مافي مثلي مدلعه قططها قد كذا لدرجة إني أشتريلهم أكثر من ماأشتري لنفسي ودايماً أمسح
عليهم وماشافوا مني إلا كل خير لدرجة إنه هوه بنفسه مايصدق إني أجلس إلا يجي ويجلس عندي ويحط رأسه عليا (عارف إني أحكله شعره وأمسح عليه)
لكن المشكله برضوا الخدش موجود فيه مع إني جايبتلهم أثاث قطط للخدش كثير لكن مايعملها فيه
لا يخدش في بعض الأماكن في أثاث البيت اللي تعود عليها
فكرت أجيبله كاتنيب وأبخ له على أثاث الخدش تبعهم لعله يتعود عليه في الخدش لكن للأسف
مايحب الكاتنيب ولا يبغاه بالعكس يتهرب منه لما يشمه
الأنثى عكسه تماماً حبت الكاتنيب وتفرح لما أحطه وتحبه
لكن الذكر للأسف مرره مايبغاه أستغرب إنه مايحبه مع إني سمعت إنه الذكور أكثر حباً للكاتنيب من
الإناث لأنه رائحته تشبه رائحة الأنثى لكن رغم كذا الأنثى حبته والذكر يهرب منه مايبغاه نهائي!
كيف أعوده على إنه مايخدش غير في أثاث الخدش تبعهم؟
وكيف أحببه في الكاتنيب ؟ ولا مافي أمل على حب الكاتنيب مدام ماحبه؟
رجاء جاوبولي على الأسئله وجزاكم الله خير.
|