فايروس القطط ..

[Ameena]

• السلام عليكم ورحمة الله وبركاته
  
  
• اخواني و خواتي مربي القطط ..
  
  
• حاولت ابحث امس عن فايروس يصيب القطط من الجو ووقت البرد و المطر وما لقيت اي جواب مؤكد
  
  
• عندي 3 قطط 2 شيرازي ذكر و أنثى وواحد محلي ربيته من هو صغير جريب الشهر كان عمره والحين ماشاء الله 9
  
• اما الشيرازي واحد كان شوي صغير يمكن جريب 3 أشهر والثانيه جاوبها لي كبيره ماعرف كم عمرها من شهرين هي عندي تقريبا
  
  
• طبعا ما طعمتهم للأسف لين امس لان أنثى الشيرازي بدت عليها أعراض الخمول وفقدان الشهيه والنوم
• كنت متعوده كل يوم الصبح تقعدني من النوم لكن لاحظت يومين حتى ما تدخل غرفتي تنام برع
  
  
• اخذتهم كلهم للطبيب يشوفها وهم يطعهم البقيه ..
  
• قاس حرارتها شافها 41 وكان ينزل سائل رائحته كريهه من احدى الأذنين ونظف لها إذنها وعطها جرعات مضاده
  
  
• وقال اذا ما ساعدت نفسها راح تموت وفي احتمال تعادي البقيه انا فرقتهم بس اخاف اخليها لحالها نفسيتها تتعب كل شوي ادخل عليها والجو يتغير ف ما اعرف وين احطها .. شوي صارت احسن بس لازالت نايمه
  
• عطاني جليكوز و قالي اسوي لها مرق دجاج. وأعطبتها روب خالي الدسم ..
  
  
• ف ما ادري في حد مر بهالحاله وقطته صارت زينه !؟!
  
  
• خايفه عليها وهم خايفه على البقيه
  
  
• وللعلم الشيرازي الذكر الثاني امس كان اوك بعد التطعيم وكل شي تمام بس الحين اشوفه صاده خمول ومن نمسكه يصارخ ويمشي بطريقه مقوسه احس مكان الابره تعوره
  
  
• وأهلي يخوفوني ان صاده فايروس مثل الأنثى .. بس بغيت احد يطمني مع أني قرأت الحالات اللي تصيد القطط بعد التطهيم ..
  
• وهل في إمكانية ينتقل لهم الفايروس !؟!