كرواني الجديد هيله :)

[أسما]

السلام عليكم و رحمة الله و بركاته
اشتريت اليوم كروان جديد
نوعه لوتينو
و انا كرواني القديم من نوع ايزبيلا
هل يتوالفون مع بعض ؟
لان الايزبيلا حقي شرير
و يعض ذيل الكروان الجديد
و اذا جا الكروان الجديد ياكل يعصب عليه القديم
و انا اشتريته عشان يكونون اصحاب و يلعبون مع بعض
أفيديوني
راح انزل للكروان الجديد صور
عشان تفيدوني بجنسه
لان راعي المحل يقول انه ذكر و بالغ
و انا احس انه انثى و غير بالغه
من الموضوع المُثبت في القسم
شكراً لكم على تعاونكم معي و مع كرواناتي عقول و هيله

[جورجي]

وعليكم السلام ورحمة الله وبركاته
مبروك الكروان الجديد ويتربون بعزك
بالامكان يتوالفون مع مرور الايام ..
بالبداية اختي .. كان من الافضل ترك الكروان الجديد بقفص بجانب قفص كروانك القديم عدة ايام .. علشان يعتادوا على بعض وبعدين تجمعيهم
لتحديد الجنس بالكروان اللوتينو افتحي جناح الطير وشوفي ان كان منقط من الداخل بنقاط صفراء او لا
ان كان خالي من النقاط فهو ذكر وان كان فيه نقاط فهو انثى
ضعي صورة له وان شاء الله الاعضاء بيفيدونك

[أسما]

شكراً جزيلاً يآ جورجي
يعطيك ربي العافيه

[جورجي]

العفو اختي .. لاشكر على واجب .. الله يعافيكي

[مروض كوكتيل]

طبعا لو كانو كلهم ذكور لا تسبعدي المضاربات الذكور الكروان مشكلجية ومادام لازبيلا شرير فهو بيأثر على خويه وتفتحي حلبة مصارعه طيب لازبيلا اليف انتي مربيته وهو فرخ والى ما خذته شكل بس وصوت وما روضتيه ولا شي ارجو افادتي بهالمعلومات

[أسما]

أهلين أخي مروض الكوكتيل
راعي المحل يقول ان الازبيلا هو أنثى ...
و لا هو عندي من شهر تقريباً ..
و عمره الآن 3 شهور .. : )
أما اللوتينو فعلى ما اعتقد عمره مابين السبعه إلى الستة شهور
و هو ذكر على قول البائع
و لكن الغريب فالأمر هنا
أن الأنثى أكثر شراسه من الذكر
لدرجة أنه عندما ياكل تاخذ الاكل من فمه
بس اليوم اشوفهم شوي هدأوا

سؤال أخي مروض ..
ممكن تعلمني كيف أروض الكوكتيل الجديد
لأنه كبير و مو راضي يعطيني وجه

[مجنون بدونك]

اول شي بسم الله

اختي العزيزه هذا شي طبيعي ان راح يتضاربو

بس افضل انك تضعين كل طير بي قفص لحال اشان ما تحدث نزاعت كبيره

على الاكل
وثاني شي على التوليف ممكن طريقتي ما تنفع معكي
بس هذي نفعت معي
وهي ان تجعلي طيرك الاليف معكي وتاكليه بي يدك
وخلي الطير الغير اليف قريب بي حيث ان يشوف ان طيرك ياكل منكي
وراح يتشجع ويطلع وياكل ثم شيلي الاليف وخلي الغير اليفه تاكل لحاله

وهاذي الطريقه نفعت معي يوم شريت انثى غير اليفه وهي الان تصعد على
اليد بس ما تخليني امسح عليها بس مع الزمن را تخليني
واسف على الاطاله تقبلي مروري

[bonsho]

(مجنون بدونك)
انا الطريقة دى باردوا نحجت معاى
والف مبروك على الكوكتيل الجديد
وان شاء الله يتالفوا ويحبوا بعض

وحاولى انك تعملى الطريقة اللى (مجنون بدونك) قالها وان شاء الله تنفع معاكى

[أسما]

مجنون بدونك
أنا مو حاطتهم بالقفص
خارج القفص : )
بس أبشركم أن الغير أليف دايم يقلد الأليف
لدرجة أن الأليف دايم يجلس على كتفي و راسي
و قام الغير أليف و قلده و ركب على كتفي
بس ما يرضى أمسح عليه

[مروض كوكتيل]

شفتي هذي المشكلة وثانيا لانثى بطبعها متسلطة ولازم تخضع الذكر لها فلا تتوقعي انهم يحبو بعض في يوم وليلة وثانيا بالنسبة للمسح هذا عيب طريقة لاخ((مجنون بدونك)) انا حطيت موضوع اسمه 4 خطوات لنجاح الترويض واتبعيهم والذكر سهل جدا اسهل من لانثى وثانيا ان عيا يفك العض امسكي منقاره هذي الطريقة تتبعيها اذا قعدتي معه اسابيع وعيا يفك العض صدقيني بعدين بعد هالطريقه(( بيعرف ان الله حق مضمونه)) بس لا تمسكي منقاره من اولها ياخذ عنك كذا فكره مو زينه بالنسبة للمسح هذي خطوة بعيده ابدي بلاساسيات في موضوعي وبعدين بعد ما يتعود على ايدك ولاكل منها امسحي على ظهره وهو غافل وحتى لو التفت عليك وقعد يفح ماعليك منه (( على قولتهم عطيه الخامس)) وامسحي عليه وبعد كل مسحه الكلمة الي انتي عودتيه عليها مثلا شاطر او كفو او يالبيه عاد ما اعرف وش تألفون من كلام انتو البنات المهم كلمة تشجيعيه عودتيه انه بعد مايسمعها يعرف انه سوا صح وبياخذ مكافئه واتبعي هالطريقة اسبوع وبتلاحظين الفرق يوميا خصوصا اذا كان ذكر وادخلي على موضوعي لمزيد من المعلومات وعساي اكون افدتك بهالموضوع (( تحذير اياك وضربه حتى لوخفيفه بعدين تنعكس المعادلة تصير طاعته خوف مو حب )) وارجو اكون افدتك اختي ^^"