الكاسكو مايطلع على اليد ؟؟؟

[سمكاويه]

السلام عليكم ...
انا عندي مشكله معا الافريقي هوه اليف امسح على راسه بس بحذر وامسكه ومايجعر ويصفر ومتأقام معا البيت ومعايه وكل شي تمااام لكن مشكلته انو مايطلع على يدي يعني ابيه يطلع على يدي بافضل طريقه ... وكمااان يصفر بس جوى القفص برا يمكن تصفيرتين بس ؟؟؟
وبس ياليت تفيدوني ربي يسعدكم ...

[حلم عاشق]

طيرك معك من زمان ولا توك شاريته

[حلم عاشق]

فيه طريقه انا استخدمتها ونفعت معاي طلعيه برا القفص ومدي كفك قدامه بحذر عشان ما يخاف ويكون بيدك شي من الاكل الى يحبه مدي له الاكل قدامه يشوفه وقولى له مثلا يالله اطلع خلي الاكل مو قريب مره راح يقرب منك لين يطلع على يدك اول ما يطلع قولى له شاطر وناديه بسمه واعطيه الاكل الى يحبه كافئيه على الشي الى سواه انا استخدمت هالطريقه والحمد لله هالحين ابد بدون شي يطلع واستخدمت طريقه ثانيه علمته الدوران الى هي عطيته شاهي مع ان كثرته مو زينه بس ابد عرفت انه يحبه عطيته شي بسيط لانى استخدمت العصا وما نفع والحين يدور بدون ما اعطيه شي بمجرد اقوله دور

[سمكاويه]

طير مو مطول معي يعني يمكن له شهر عندي بس جاء مره مو اليف والحمدلله بعد التعب سار اليف بس مايطلع على اليد هذا العيب الي فيه بس وكمان الطير مو صغير في سنه يعني يمكن سنه واربع اشهر .. ونشاء الله بجرب طريقتك واشوف انشاء الله تنفع ولو فيه طرق اكثر اكون شاكره لكم ...

[هذا حظي]

السلام عليكم

نفس مشكلة طيري يوم شريته

كان عند راعية الاول له ثماني شهور يقول حاولت معاه لين ماتعبت مو راضي يطلع على الليد

من شريته ثاني يوم حاولت معاه والحمد لله طلع على يدي

الطريقة اللي استخدمتها :

احشري الطير بزاوية الغرفة واجلسي قريب منه مرة ( المقصد منها انو ماتتركي للطير مساحة علشان يهرب منك)

حاول تحطي يدك الليمين عند رجولة وارفعية شوي واذا طلع حطي يدك اليسار قدام وجهه علشان مايقفز من يدك

حاولي معاه مرة واثنين وثلاث وان شاء الله بتنفع الطريقة اهم شي الصبر

وخبريني اذا نفعت معاك

بحفظ الرحمن

[سمكاويه]

يعطيك العافيه اخوي هذا حظي ونشاء الله تنفع الطريقه الى قلته انا بجربها واشوف ... معا انو عندي طيوري الثانيه تطلع على يدي وقدامه ويشوفهم ممكن انو يطلع على يدي لو شافهم ... مشكورين.

[هذا حظي]

لا لا لا ما اتوقع انو يطلع على الليد بمجرد النظر لهم وهو يطلعون على يدك

جربي الطريقة ونتائجها مظمونه 100% ان شاء الله لانو اجربها على كل طير امتلكته قبل ونفعت الحمد لله

بس البسي قفاز تحسباً للعض

[سمكاويه]

لا ماني مجنونه مو انا الي بدرب الطير اخوي الله يحفض له يده شكلها بتروح لحم مفروم ... بس انا احك طيوري الثانيه قدامه وجيت احكه وكانه تقبل الوضع بس بحذر وكمان اعطيهم الاكل من يدي وهوه يشوفني واكل من يدي بس والله قهر يعني وقفت على انو مايطلع على يدي وهوه يشوف اخوانه يطلعون على يدي ...قهررر ... مشكور اخوي هذا حظي

[جراااح]

في طريقة سهله وانا مجربه مع اكثر من طير
شوفي اجلسي في غرفة مضلمه وامسكي باطير والله ماراح يعمل حاجه يخاف من الضلام وبعده ضعيه على يدك ماراح يتحرك لان مايشوف شي عيد الحركه اكثر من مره بعده الطائر راح يتعود على يداك
وراح يزول اي خوف

[مبتدئ كاسكو]

انا طيري كان كذا عبيط مايطلع ع اليد
جبت عصاتين وحده قدامه و الثانيه واره و ادف الي قدامه ع صدره الين طلع
و الي وراه رجعتها قدامه و دفيته الين طلع مع تكرار ككلمة اطلع عشان يتعود
و الحمد لله صرت افكه بالغرف من يشوف يدي يجبني