مشكلة في ريش الكاسكو ارجو المساعده

[قاهر الايام]

السلام عليكم

عندي مشكله في ريش الكاسكو صاير غير مرتب ومتعفس وفيه على ما اعتقد تقصف وريش الرأس خفيف في بعض المناطق ومنطقه طايح صار له فتره وما طلع

علما اني حطيت له عظم الحبار قلت يمكن نقص كالسيوم لكنه فتته ولا اكل منه شي

المهم اتركم مع الصور لتوضح لكم المشكله اكثر

لاحظو ريش الجناح وريش الرأس



وهني الرأس لاحظو اماكن خفيف ومكان طايح



وهني الرأس اوضح



شنو المشكله وشنو علاجها

ومشكورين مقدما

[ابو محمــد]

اخوي حاول تشمس الطائر كل يوم واهتم بالاكل ونظافته.

المنطقة هذي نادر يتساقط الريش منها ولكن ابشرك في بداية تحسن اشوفها

وبداية ريش جديد طالع.

بالتوفيق

[قاهر الايام]

مشكور اخوي ابو محمد عالمرور والنصيحه

بخصوص التشميس اخوي كل يوم تدخل له اشعة الشمس لانه في مكان به نافذه شرقيه اول ما تطلع الشمس تدخل له

وبخصوص التغذيه ياريت تذكر لي انواع تنفعه في هالحاله

واما النظافه مو مقصر فيها انظف اول باول واضع في القفص ورق في الاسفل وابدله اول باول

[بلاك بيري]

ماشاء الله تبارك الرحمن طير ممتاز وحجمه رائع

اخي الفاضل هذه بدايه قرنسه لكن المفروض ما تبداء بهذا المكان للطير عاده تبداء بالصدر او احد الجناحين

عموما الطير يحتاج تنظيف وتغسيل بالماء الفاتر وتعريض لاشعه الشمس وتنويع بالاغذيه وغسل القفص جيدا

وماشاء الله في بدايات ريش طالع حاول ان تحافظ عليه

تقبل مروري وخالص ودي

اخوكم \ بلاك بيري

[قاهر الايام]

مشكور اخوي لاك بيري عالمرور وتأكيد كلام اخوي ابو محمد انه بداية خروج ريش جديد

وان شاء الله يتحسن وتعدل ريشه لانه مخرب منظر الطير وجماله

مشكورين ويعطيكم الف عالفيه

ويعني افهم من كلامكم انه ما يحتاج الى ادويه او فيتامينات او ما شابه

وبخصوص الشمس مثل ما ذكرت ان الشمس تدخل له من اول ما تطلع لانه في مكان فيه نافذه بالجهه الشرقيه

عموما ان شاء الله يطلع له ريش ويصير مثل قبل

مشكورين مجددا

[azooz alka]

ضروري تعطيه فيتامين ليساعده على تحسين ريشه