ارجوكم بجد محتاجة المساعدة

[bossy20200]

السلام عليكم
انا عندى قطة حوالى 8 شهور كانت عايزة تتجوزمن حوالى 20 يوم
وفضلت فترة تنونو حوالى 6 او 7 ايام بعد كنت رجعت زى الاول
بعد كام يوم بقي بعد ما هدت وتمام جازنا جاب لها قط شيرازى كبير قام اخويا اخده منه وسابه في الارض القط ياحرام كان مرعوب فطلع يجرى
بعد كده هى جرت وراه وبقت تبخ فيه وتصرخ جامد وعايزة تضربه وهو غلبان خالص
روحت انا جريت عليهم علشان الحقه منها قامت جريت هى منى
ودخلت اوضه لوحدها بقت تبخ فيا وصرخت جامدت وبقيت عامله وضع هجوم قفلت عليها الاوضه
وسبتها هديت دقائق وشلتها بقيت تعمل اصوت غريبة وكأنها خايفة رغم اننا مشينا القط
بس بقيت كل ما تشم ريحتة فى ايد اخويا او ابن خالى تبخ جاامد وترتعش شوية
انا عارفة ان اخويا غلط لما قدم القط فجأة
وعارفة كمان انه ممكن يكون غلط انه جه لها القط في الفترة اللى هى مش عايزة تتجوز فيها
امبارح بقي بقيت حت لها نفس اعرض طلب الزواج
وبدأت تطلب جواز تانى
انا سمعت ان لازم هى اللى تروح للقط
عايزة اعرف هو لازم هى اللى تروح للقط
يعنى مينفعش هو يجى ابداا ؟
دلوقتى بقى انا عايزة اعرف ازاى اقدم القط ليها تانى
يعنى ايه الطريقة الصح اللى تخلينى اقدمه لها من غير ما هو ولا هى يخافوا
وهل لو قدمته لها في الايام اللى هى عايزة تتجوز فيها هتعمل معاه كده ؟
ملحوظة
هى متعلقة بيااا اوووووووى وانا كمان كده
علشان كده مش رديت اوديها هى للقط وكمان الناس اللى عندهم القط عندهم قطط تانى غيره وفيهم قطط اناث فأنا خايفة
انا عارفة انى طولت بس حبيت اقولك اللى حصل بالتفصيل
لان صعب عليا اووى القط اللى جه وخايفة عليه كمان يكون تعب نفسيا واشيل ذنبه

بجد ياريت تجاوبونى على كل اسألتى لانها صعبانة عليا اوى لما بتعوى ومش عارفة اعمل ايه
وياريت اللى كان عنده قطة وجاب القط في بيته يرد عليا


كمان نسبت اقول

للاسف قطتى انا مدلعاها اوووى
ومش بتحب حد غيري ولا متعوده على حد غيرى
رغم ان كل اللي في البيت مدلعاها وبيحبها اوى
واى حد غريب يحاول يشيلها وهى معايا او يطبطب عليها تنونو ولو حاول
تانى ممكن تخربشه او تعضه
علشان كده برضه خايفة اوديها

[شاهستا]

وعليكم السلام ورحمه الله
اهلا بيكى
مين قال ان لازم القطه هى الى تروح ؟
عادى جدا القط ييج وفى حالتك دى لازم القط هو الى يكون عندك
عشان قطتك خوافه اذا كان بتعمل فيه كدة وهو عندكوا هتعمل ايه لما تروح عنده هتاكله اكيد ^ ^
هات القط تانى بس اتاكدى انها طالبه تزاوج ودة مووضوع هيفيدك
http://www.2zoo.com/vb/showthread.ph...=1#post1462278

[bossy20200]

ميرسي شاهستا
بس تفتكرى هى عمرها كده مناسب للزواج ولا لسة صغيرة

[شاهستا]

العفو يا قمر
8 شهور كويس بس لو تستنى عليها كمان شهر ولا اتنين يكون افضل
لو محتاجه انتاجها جوزيها
انا عادة مش بجوز قططى غير لما يتمو سنه

[bossy20200]

لا انا مش عايزة انتاجها ولا حاجة
و مش كنت عايزة اجوزها غير لما تتم سنه برضه
بس هى صعبانه عليا اووى
بتعوى على طول ومش بترضى تلعب واكلها قل عن الاول
وخايفة تكون في حالتها دى بتحس بألم
علشان كده صعبت عليا

[شاهستا]

اكيد نفسيتها بتتغير
انا كيتى قطتى عندها 10 شهور وطالبه تزاوج الايام دى ومش راضيه اجوزها
وصعبانه عليا بردو
بس دة عشان مصلحتها

[bossy20200]

ربنا يخليهالك
انا بيرضه قطتى اسمها كيتى
ان شاء الله اقوى قلبي واستنى عليها لحد ما تكمل سنة
بس عندى سؤال معلش
هى بتفضل حوالى كام يوم على الوضع ده ؟
المرة اللى فاتت كانوا حوالى 4 ايام ورجعت زى الاول
بس المرة دى حاسة انا اكتر

[شاهستا]

كيتى وكيتى ^ ^
اكيد بتزيد بس ان شاء الله مش هتزيد اوى يعنى
خمس ايام ولا اسبوع بالكتير

[The Cat Whisperer]

السلام عليكم

المشرفة شاهستا عملت معاكي الواجب الحمد لله

بس حبيت اقول ان قطتي عندها 9 شهور وعندها الشبق

وجربت الاعبها شوية كل يوم بتتسلى ويلهيها اللعب شوية عن الشبق

جربي معاها نص ساعة في اليوم لعب وشوية تعمليلها مساج وتكوني حنينة معاها

بس يكون بالليل لأن ده الوقت اللي بتشتد الحالة فيه وتزيد النونوة وان شاء الله يجيب نتيجة

[bossy20200]

ميرسر ليك
انا بلعب معاها دايما
بس الفترة دى بصراحة بخاف العب معاها
قولت ان ممكن اللعب يتعبها لانها مش بتاكل كويس
بس هجرب الفكرة دى وربنا يسهل