هام جدا لكل مربي

[asoom39]

السلام عليكم ورحمه الله وبركاته

اليوم بتكلم عن موضوع مهم جدا واغلب الناس يجهل هذا الشي ,, انا بملاحظتي الدائمه لطيري العزيز اكتشفت شي قهرني والله من المحلات اللي تبيع الاكل وحبيت انقلها لكم وهذا موضوع خاص وحصري لمنتدانا الغالي تو زوو ,, ما اطيل عليكم بالموضوع ,, احذر الاكل المكشوف اللي يباع بالمحلات يحطونه بسطل كبير ومكشوف ,, المشكله يجمع حشرات صغيره مثل السوس (لونها بني داكن) تقريبا مثل حبه القمح بس انحف منها ,, هذي تسبب مضايقه للطائر وتشوفه يجعر ويحك بمنقاره جسمه كانه يدور على نفسه ,, اتوقع انها تعضه ,, انصحكم بالاكل المكيس وفيه نوع اميركي مو غالي بس مفيد جدا وحلو ومشكل فيه انواع كثيره من الحبوب ومرسوم عليه صوره للكاسكو سعره حوالي 80 ريال ووزنه حوالي 6كيلو يعني ارخص من اللي يباع بالمحلات واحسن منه ,, حتى الشركه من ذكائها واهتمامها حاطه معه اوراق اشجار تمنع الحشرات وبنفس الوقت لو اكلها الببغاء ما راح تضره ,,
اختم موضوعي ,, واودعكم الله اللذي لا تضيع ودائعه
دمتم في حفظ الله ورعايته ,,, اخوكم :: ابو محمد