تعليم الببغاء عالكلام

[حبــة فراولــهـ]

بسم الله الرحمن الرحيم


السلام عليكم ورحمة الله وبركاته


أنا عندي نيجري وأبي أعلمه الكلام ولكن ماعندي وقت كافي أجلس ألقنه الكلام


ينفع أضع تسجيل بصوتي وأخليه يسمعه وقت معين عشان يتلقن ؟؟ و كم المدة التدريبية للطير على الكلام كل يوم ؟؟؟

(لأني سمعت معلومه أن الطير إذا تم تلقينه عن طريق التسجيلات مايتقبل الكلام أو التلقين من أي شخص)

هل هذي المعلومه صحيحة ؟؟؟


هل تروح الجعره من الطير لمن يتعلم الكلام وهو غير أليف ؟؟؟


هل لازم أجوع الطير عشان أعلمه على الكلام ولا لأ ؟؟ وكيف أكافئه إذا الطير مو أليف ؟؟؟


وجزاكم الله خير وجعلها الله في ميزان حسناتكم

[عآشق الطيور]

نعم ينفع تحطي له مسجله لاكن يفضل بدون مسجله

لا هاذي المعلومه خطا

الجعره ماتروح الى يوم يتوعد على البيت او مع تدريب

لا مو لازم توجعينه بس طريقة المكافئه حاولي انتي تعطيه اي شي لنه ماهو مدرب

ونصيحه حاولي دربه بعدها وعوديه على الكلام

[حبــة فراولــهـ]

يعطيك العافيه أخوي وجزاك الله خير


وننتظر رأي البقية

[حبــة فراولــهـ]

الرجاء المساعدة

[no0La]

وعليكم السلام

ينفع أضع تسجيل بصوتي وأخليه يسمعه وقت معين عشان يتلقن ؟؟
و كم المدة التدريبية للطير على الكلام كل يوم ؟؟؟
ينفع مسجل بس ماننصح فيه الافضل يتعلم الببغاء
من مدربه الكلام حتى تزيد الولافه والمحبه بينهم

(لأني سمعت معلومه أن الطير إذا تم تلقينه عن طريق
التسجيلات مايتقبل الكلام أو التلقين من أي شخص)
هل هذي المعلومه صحيحة ؟؟؟
ناس مؤيده وناس معارضه وكثره الاشاعات
بس كل الطرق تأدي للتعليم لان فيه ناس ماعليها
المهم يتكلم الطير


هل تروح الجعره من الطير لمن يتعلم الكلام وهو غير أليف ؟؟؟
مو شرط تروح الجعره في البدايه لازم تروح الجعره ويصير اليف
ونبدا معاه مشوار الكلام حتى يكون فيه رابط بينكم

وممكن يتكلم الطير وهو غير اليف ومايجعر الا مع الناس اللي مايعرفهم
حسب وجهة المدرب

هل هو حاب يتعب ويدرب ويبذل مجهود
هل هو حاب الطير بس يتكلم

المهم انت وش تبي
وفيه معلومات لازم نعرفها عن الطير
مثلا العمر وكم له عندك .. الخ


هل لازم أجوع الطير عشان أعلمه على الكلام ولا لأ ؟؟
وكيف أكافئه إذا الطير مو أليف ؟؟؟


التجويع مرات ينفع ومرات لا
شوف الطير وش يحب بالضبط من الاكل وخله المكافئه له
هنا راح تشوف انجاز من الطير علشان المكافئه

حلو لو كان الطير اليف
بس اذا الطير متقبل التلقين تقدر تقرب له المكافئه
او تحطها بعلبه الاكل الخاصه فيه او مكان قريب منه

بالنهايه اخوي لازم نعرف انت وش تبي
وشو معلومات الطير من عمر وكم له عندك
وهل حاب تربي وتتعب ولالا

بالمختصر انت هاوي ولالا

ولي عوده باذن الله

[حبــة فراولــهـ]

الطير عرضته هنا وقالوا عمره 9 شهور


شريته فبل 17 يوم بالضبط


وهاذي صوره
















الطير بدأ ياكل من يدي ( أعطيه حبة يقرب يأخدها بمنقاره لكنه يبقى خايف )


ولمن يخاف يجعر


جربت أحط يدي على منقارة مايبي يبي يعضني


وجبت قفاز عشان أقدر أمسح على جسمه ولبستها ويوم قربت الله لايوريك هذاك الوقت شو صار معاي كان بغى ياكلني طلع صوت مره قوي وطلع من على المجثم وقف عند الباب ومطلع رأسه تقريبا نص جسمه بره القفص بعدين رجعت للخلف لمن انفجعت


ما أدري شو أسوي ألحين بس أكله


وأردد عنده كم كلمه بس أحسه مافي تجاوب


بعض الأحيان ماأكون عنده ( أكون مشغولة ) يطلع تصفيره وأصوات زي الجعير


في عندي طيور ثانية في البيت تأثر عليه بس هو مايشوفها يسمع صوتها بس !!


أبي أعرف كيف أقدر أمسح عليه وأولفة؟؟


أبي أخليه يتطمن لي كيف ؟؟؟