اللي يعرف لايبخل علي

[ياحنينيـ وياحنانكـ]

السلام عليكم

صباح \مساء الخير

اخباركم انشاء الله طيبين

انا عندي مشكله في الكاسكو حقتي

مدري شفيها فجاءه كذا صار ريشها دايم يطيح ولا هاو زي قبل

قبل كان ناعم وعدل بس مدري شفيها صار فيها كذا فجاءه

وياليت اللي يعرف لايبخل علي لاني خايفه عليها تموت او يصير فيها شئ

واهي مشاء الله عليها تتكلم <<يعني حسافه عليها

وديتها دكتور بيطري عطاني فيتامين ونفس الشئ وديتها دكتور ثاني قالي غيري القفص

وغيري المكان <<وهم نفس الشئ وانا والله ماادري شنو اسوي لها عشان يرجع ريشها نفس قبل

واهي دايما تحك

وهذي الصور حق الكاسكو








اختكم ياحنينيـ وياحنانكـ

[القلم الجريء]

إن شاء الله الموضوع بسيط
لكن طلعيه للشمس وخصوصا في الصباح قبل أشتداد الحر وقبل المغرب
أعطيه كالسيوم تلقيه عند البيطري او (حجرة المحار)من اي محل طيور
نظفي علية باستمرار وياحبذا لو يجي غسلة كمبليت للقفص بالمنظفات والديتول مع اماكن الماء والأكل وشطفها زين وتنشيفها قبل وضع الببغاء فيها
وحطي في القفص أي ألعاب للطير تشغله عن الحك والنتف
روشيه بالماء الدافي وانتبهي عليه من التيارات الهوائية

ومع هذا كله ياليت تروحي بيطري ممتاز بأسرع وقت

[الوسام الذهبي]

الشيخة اذا الطير مو عصبي ومو متغيرة اطباعه احتمال يكون تغيير ريش عادي

بس تأكدي ان الريش المتساقطع منه كامل مع جذوره مو مقطوع

وفي موضوع في المنتدى يبين الفرق بين تساقط الريش الطبيعي ( الكلف ) و النتف اطلعي عليه راح تستفيدين منه

[sunset]

انشاءالله انو اخواني افادوكي والشمس ضروريه

[الخيّال]

الحل هنا

http://www.2zoo.com/vb/showthread.php?t=167151

[call of duty 6]

اختي روشيه في عصير الصبار
طريقة عصير الصبار : جيبي صبار وقطعيه نصف وبعدين خوذي الشي الابيض واللزج في الملعقه يعني وخريها وحطيها في صحن
واخلطيه بالخلاط وبعدين روشيه في عصير الصبار
وافادك (الخيال)
شوفي هذا المقطع وان شاء الله يفيدك

http://www.youtube.com/watch?v=ueLfjJBvPh4

[ياحنينيـ وياحنانكـ]

يعطيكم الف عافيه والله ستفدت منكم كثيييير

وبالنسبه لريش هو مايطيح من الجذر بالكامل

لا بس زي الريش اللي يطير يعني صغار

بس كثير يعني يطيح<<الله يشفيه يارب