سؤال هام جدا عن الجرب

[ولاء الدين]

لقيت بسه صغيره في الشارع تايهة عن أمها عمرها بالكتيير اسبوعين وشكلها أقل , أخدتها لأني لا يمكن أشوف حاجه زي كده وأسيبها . المهم رضعتها وحممتها ولقييت انو أجزاء من شعرها رايحه قلت ييمكن مضروبه من بساس كبار بس الشعر صار يطيح أكتر وفي عدة مناطق من جسمها , صرت أنظف اذنها بالفيزلين وأحط على المناطق اللي ما تقدر توصلها بلسانها فيزليين . سؤالي هل هذا جرب ؟ واذا كان جرب كيف ممكن أعالجها منه عشان مسكينة هي جدا متضايقه منه , وهل هو معدي ؟ أنا قرأت عن الجرب لكن برضه مو قادره أعرف هل هذا جرب والا لأ . أرجوا الإجابه ممن لديه علم أكيد

[mixture]

يجزاك الله الف خير على حسن اخلاقك و حسن تعاطفك على هذا المخلوق الضعيف المحتاج للمساعده ... هذا الشي يدل على انك انسان رقيق القلب يتمتع بذوق حضاري رفيع

اول حاجه يجب عليك ان توديها اي صيدلي بيطري وهو يكشف عليها و يفحصها فحص كامل (( درجه حراره جسمها .. معدل نبضات قلبها .. مشاكل التنفس .. الاذن .. الاسنان .. الجلد و الشعر .. عيونها .. و شهيتها للاكل )) بعد ما يتم الفحص هو راح يعطيك المشاكل الي تواجه القط و يكتب لك الدواء بشكل عام

1- ممكن بودره للجرب
2- ممكن حبوب او شراب مع مضاد حيوي يعيطك اياه ليقضي على الجرب
3- ممكن شامبو للجرب
4- ممكن حقنه او حقنتين على حسب لكي تقوي لديها المناعه ويوقف لديها الحساسيه

وبعد كذا تتم فتره العلاج لمده اسبوع وبعد ما يخلص اسبوع ترجع له و يكتب لك دواء اخر مع حقنه اخرى وتسمى هذه المرحله فتره ما بعد العلاج وهو فتره الفيتامينات و المقويات عشان تكسب القطه صحه لمدى اطول

تكاليف العلاج هنا في المدينه المنوره ما بين 100 ريال الى 150 ريال مع الحقن و الكشف و العلاج و الفيتامينات والف عافيه و صحه يارب

[ولاء الدين]

جزاك الله خيرا أخي الفاضل على ما تفضلت به من الرد علي بشكل وافي , لكن أنا مو رغبانه اني أوديها أي بيطري أنا لسه دمعي ما جف على حبيبة قلبي وحياتي بستي اللي ماتت من اسبوعين والله أعلم بسبب البياطره , طبعا الأعمار بيد الله عز وجل وحده لكن لكل شئ سبب , أنا كنت سألت في المنتدى اذا ما كانت القطط الحوامل تتوحم . المهم أنا عانيت معاها ليين ربي حبيبي ابتلاني فيها وراحت والحمد لله على ما قدر , أنا على قد ما شفت وقرأت عن مصايب البياطره ما عدت أوديها عشان كده أنا باسأل أهل الخبره هنا بعد التوكل على رب العالمين . هل برأيك هدا جرب ؟ لأنو البراغيت آكلتها أكل وأنا على طول باحممها وأنظف ادنها وأحطلها فيزلين , أرجو افادتي بدون ما أروح لبيطري وجزاك الله خير مره تانيه

[mixture]

مشاكل الجلد كثيره وجميعها تسبب تساقط الشعر ممكن جرب وممكن لا الله واعلم

انا حصل لاذن قطتي جرب بسيط لم يصل الى مرحله خطيره الحمدالله كان الجلد المريض لونه اصفر وغير مغطى في الشعر و تكثر فيه الجروح ... ان عالجتها بنفسي لاكن اخذ وقت لمده اسبوع ونصف

هذه مراحل العلاج التي اتبعتها

1- قصصت اظافر القط لكي لا تحك المنطقه المصابه و تنقلها الى منطقه غير مصابه
2- روشتها و حممتها بشامبو قاتل للبراغيث و القمل المخصص للقطط لمده 15 دقيقه ممكن 10 ريال
2- وضعت على المنطقه المصابه مطهر جروح مخفف بالماء لكي لا يحرق القط
3- بعد ما تجف المنطقه المصابه من المطهر اضع كريم يستخدمه البشر واسمه (( Glysolid )) تحصلينه في اي صيدليه بشريه ممكن 5 ريال لون العلبه حمراء دائريه مكتوب عليه اصلي
4- احاول اني اضع القط في مكان مايل للبروده عشان ما يتوهج الجلد وتبداء تحك لان الجو الحار يسبب تهوج للجلد و تبداء القط تحك بكثره

(( نصيحه مني البياطره الشاطرين تعرفينه من اول ما تدخلين عنده ... تحصلينه يلعب مع القط عشان يشوف مرضها اثناء اللعب بعد ما يتعرف عليها تحصلينه يكشف عليها كشف عام لمده 10 دقايق بعد ما يشخصها ويشوف حالتها يقولك الموضوع و المشاكل بالكامل وبعد كذا تبداء مرحله العلاج و الحقن ... اما البيطري الغير مهتم يقولك كذا هذا العلاج بدون ما يطالع في حالت القط ))

[mixture]

ملاحظه اغلب الشامبوهات القاتله للبراغيث والقمل مكتوب عليها تحذير لا تستخدم على القطط ما دون الشهرين

وانت قطتك عمرها اسبوعين فممكن البودره افضل لها مع الكريمات الغير الضاره و المخصصه للقطط الصغيره

[ولاء الدين]

جزاك الله خيرا على تعبك معايا , بالنسبه للبسه اللي عندي لون الجلد مكان مافي شعر زهري يعني لون الجلد الطبيعي وما في جروح بالمرة لكن أنا حاتبع الطريقة اللي وصفتها بس صعب اني أقص أضافيرها , وبالنسبه للبودره أكيد هادي آمنه للي في سنها ؟