علاج الفطريات دخلوا وادعولي

[leo75]

مرحبا...
الحل السريع لعلاج الفطريات ring worm
أول شي تحديد مكان الاصابه بالفطريات,وهي عباره عن دوائر لونها أحمر تأدي إلى تساقط الشعر بالاماكن المصابه بالمرض وتكثر خلف الاذن والذيل وسلسلة الظهر ويجب الاسراع في علاجها
روحوا الصيدليه الخاصه بالبشر واشتروا قطره اسمها canesten وشامبو اسمه nizoral طبعا القطره تستخدم ثلاث مرات باليوم على الاماكن المصابه
أما الشامبو مرتين بالاسبوع ويستخدم كالتالي...يتم استحمام القط بالشامبو الخاص فيه وبعد ذلك نستخدم شامبو نيزورال المعالج للفطريات نضع كميه قليله على كافة أجزاء الجسم ويدلك الجسم لفتره خمس دقائق ثم يشطف بالماء فقط.استمروا بالعلاج وخصوصا القطره بانتظاااام وسوف يتم الشفاء بإذن الله
وهذه صورة القطره والشامبو ,اتمنى إني قدمت شي يفيدكم

/COLOR]][/SIZE]

[Dominique]

المشاركة الأصلية كتبت بواسطة leo75

[SIZE="4"][COLOR="Magenta"]

روحوا الصيدليه الخاصه بالبشر واشتروا قطره اسمها canesten وشامبو اسمه nizoral طبعا القطره تستخدم ثلاث مرات باليوم على الاماكن المصابه
أما الشامبو مرتين بالاسبوع ويستخدم كالتالي...يتم استحمام القط بالشامبو الخاص فيه وبعد ذلك نستخدم شامبو نيزورال المعالج للفطريات نضع كميه قليله على كافة أجزاء الجسم ويدلك الجسم لفتره خمس دقائق ثم يشطف بالماء فقط.استمروا بالعلاج وخصوصا القطره بانتظاااام وسوف يتم الشفاء بإذن الله

انتي تقولين صيدلية بشر !!

يعني الدواء أصلا مو مخصص للحيوانات وبالأخص القطط اللي شعرها يتحسس من أنواع الأكل فما بالك بالدواء
منو يجازف بشعر قطوته

لازم تتأكيد من مكونات الدواء والشامبو وتسألين طبيب بيطري له باع طويل بالبيطرة مو اللي توهم صايرين أطباء وللا فليبينيين أو هنود !

وإذا سائلة اللي يشتغل بصيدلية البشر فلا تثقين بكلامه لأنه ما عنده خبره بالحيوانات



مشكورة على العموم ويريت اللي عنده تجربه لهالنوع من الأدوية اللي عارضتهم يفيدنا



تحياتي

[leo75]

المشاركة الأصلية كتبت بواسطة Dominique

انتي تقولين صيدلية بشر !!

يعني الدواء أصلا مو مخصص للحيوانات وبالأخص القطط اللي شعرها يتحسس من أنواع الأكل فما بالك بالدواء
منو يجازف بشعر قطوته

لازم تتأكيد من مكونات الدواء والشامبو وتسألين طبيب بيطري له باع طويل بالبيطرة مو اللي توهم صايرين أطباء وللا فليبينيين أو هنود !

وإذا سائلة اللي يشتغل بصيدلية البشر فلا تثقين بكلامه لأنه ما عنده خبره بالحيوانات



مشكورة على العموم ويريت اللي عنده تجربه لهالنوع من الأدوية اللي عارضتهم يفيدنا



تحياتي

هاي حبيبتي...منو قالج إن مضر اللي وصفلي هالادويه طبيب ألماني مو فلبيني أو هندي على العموم حياج بالمستشفى الدولي بالكويت الأطباء ألمان وخبره ممتازه ومومعقوله إني بجازف بقطاوتي سألي وراح تتأكدين من صحة كلامى

[Dominique]

ولو ألماني ولا صيني ..

يمكن فاد مع قطوتج ضربة حظ يعني وما يفيد مع غيرها ..

إحنا البشر كل بشرة ولها نوعية أدوية تطيح عليها يعني الدواء اللي ينفع حق بشرتج يمكن ما ينفع مع بشرتي ويسويها حساسية .. زيت للشعر يطول شعرج وما يفيد ولا شوي حتى مع شعري

فما بالج بالقطاوة اللي ما يقدرون يشتكون

آنه أقولج عن تجربه مع جلب مو قطوة ..

هالمستشفى مرة ومرة ..

الجلب في فطريات ورا اذنه بسبة عملية كان صاحب محل مسويها ومو معطيه المضادات بانتظام ..

ودوه هالمستشفى وجنه مكانه بالوفرة مادري وين المهم بعيد كان مكانه بالسالمية قبل جم سنة زرته والحين جنه بالوفرة ومارحتله .. وصفله واحد من الدكاترة دواء زاد الفطريات واتغربلت حالته

ولما ودوه الدهماء اللي على قولتج الألمان أحسن دكاترة

جوزيف الفليبيني عالجه بدواء حيوانات الحمدلله تعالج ومافيه إلا العافية

على شان جذي أقولج اسأل مجرب ولا تسأل طبيب

وهذي مقولة عربية عالمية يعني مو من تأليفي

مو كل وصفة تنفع ولا كل دوا ناجح مفعولة


الحمدلله دومينيك مافيه شي الله لا يغير عليه ...

بس تحسبا لأي طارئ لازم نتأكد وياريت الأعضاء يفيدونا أكثر بتجاربهم مع هالنوع من الأمراض ..

لأن الجو هالأيام يخوف

على العموم هذي حرية شخصية واحد يقتنع و10 لأ

عادي take it eezee

مشكورة على الإفادة

[قطو_Q8te]

يعطيج الف عافيه يا ليو عالمووضووع الروعه
دخول مميز باول موضوع ,,,
وفعلا" الشامبو حتى الدكاتره ينصحون فيهـ ..

دومنيك
فعلا" البياطره ينصحون بشامبو نيروزال لانه قاتل ومكافح جيد للفطريات

[Dominique]

آنه طلبت أحد من الأعضاء يفيدونا بنوع الأدوية والمرض..

والحمدلله فادنا مشرف القسم نفسه

قطو كويتي إفادتك شهادة أعتز فيها وإذا لا سمح الله صار بدومينيك شي إنت أول واحد أرجعله..

تحياتي ومشكور وما تقصر قطعت الشك باليقين

[leo75]

المشاركة الأصلية كتبت بواسطة قطو_Q8te

يعطيج الف عافيه يا ليو عالمووضووع الروعه
دخول مميز باول موضوع ,,,
وفعلا" الشامبو حتى الدكاتره ينصحون فيهـ ..

دومنيك
فعلا" البياطره ينصحون بشامبو نيروزال لانه قاتل ومكافح جيد للفطريات

ثااااااااااااانكس ياقطو كويتي بصراحه ردك يثلج الصدر
وللعلم يا دومينك مافي دوا للفطريات خاص للقطط كل أدوية الفطريات خاصه بالبشر وحتى لما يصخنون نعطيهم أدول بس طبعا الكميه اهي اللي تفرق وتقريبا تكوين القطط مشابه لتكوين الانسان يعني نقدر نعالجهم بالادويه اللي تخصنا طبعا بعد تجربه خاصه وهم بعد استشارة البيطري وأهم شي بالموضوع الجرعه اللي يحتاجها القطو تكون أقل من اللي يحتاجه الطفل
على العموم آنا حبيت أفيد كل الاعضاء لان مرض الفطريات حيل شاااااائع

[cats_lover]

السلام عليكم ورحمة الله وبركاته


شكرا الأخ الكريم leo75 على المعلومة جزاك الله كل الخير

فعلا النيزورال والكانستين علاج فعال بأذن الله للفطريات

وانا كنت أستخدم الكانستين كريم ولكن القطرة بأذن الله تكون أسهل

وياريت تكون متوفرة عندنا فى مصر

ولا تخافى أختى dominique العلاج مجرب وشافى بأذن الله

ويجب اتباع الأسلوب والجرعات المحددة

[المسافر]

شكرا

[ظبية الحمى]

شكرا على المعلومات المفيده ...

..... صورة القطوه الي في التوقيع روووعه ما شا لله .....