سمسم

[مجرد طموح]

مساء الورد اخواني اعضاء وزوار ومشرفين المنتدى الطيب

حبيت اشكركم جزيل الشكر على العلومات الي وفرتوها ليه حيث اني دخلت المنتدى هذا من باب

الصدفه وانا لاافقه شي في عالم الببغوات ولاكن بفضل الله عزوجل ثم بفضلكم يااخواني صارت

عندي بعض المعلومات الطيبه

ولاكن فيه اشياء ماعرفتها ولا لقيت لها اجابه تقريبا

انا يوم الاربعاء اشتريت ببغاء من صاحب محل الله يجزاه الخير لاني تعبته معاايه وهو ماقصر معاااي

المهم اشتريت الكاسكو وتقريبا عينه ابيض على بداية صفااار شوي طبعا هذه الي لقيته متوفر

المهم اخواني شريته وطنشته مثل ماتعلمت منكم بس شدني شي غريب يوم الجمعه المساء

اي بعد يومين بس صفر مره وحده وسكت الببغاء لاني بالعصر علقت القفص بزاوية وعلى ارتفاع

تقريبا مترين وهو صفر بالليل ياترى هذي التصفيره اليتيمه تدل على ايش ؟؟؟؟

مع العلم ان الطائر يوم كان بالقفص بالمحل كان معاه 3 كاسكو غيره وهو الوحيد الي هادي شوي

لدرجة اني اعتقدت انه اطرم بس يوم رحت البيت بدا الجعير بس ترك الجعير الا بالضرورة القصوى

يعني الخميس تقريبا ماجعر يمكن مره او مرتين واشوفه صار هادي يوم ندخل عليه مو مثل اول

انا شاك انه يكون قبل مااشتريه تحت التدريب وجيت انا بالنص وشريته

ياليت اخواني تفيدوني بالي طرحت عليكم والله يجزاكم عنا كل خير

[~.Birds Love.~]

*.. ماشاء الله تبارك الله ..*
*.. حمدلله على السلامه ..*

[مجرد طموح]

شكرا لمرورك يالغالي

[عازف أورج]

اول شي مبروووك عليك الكاسكو الجديد
وحلو ان الطير بدأ يصفر لأن هذا يدل انه بدأ يتعود على المكان وانشالله مع مرور الوقت تسمع كلامه
وطالما الطير عينه بيضة على بداية صفار يعني عمره تقريبا من سنة الى سنة ونص والله اعلم
ومن تجربة لي احس ان الطير يوم تاخذه فوق السنة الى السنتين يتعود على المكان اسرع من الفروخ الصغار بعكس التدريب الفروخ اسهل واسرع من الكبار لاكن طيرك عمره حللو يتقبل التدريب بالراحة باذن الله
الله يباركلك فيه وتقبل مروري

[يوفاوي الكويت]

الف الف مبروووك

وبالتوفيق يارب

[Bo-Danial]

بالتوفيق ان شاء الله

ومبارك لكم شراء الطائر

هذه النوعية من الطيور تحتاج لتربيتها صبرا


اكمل المشوار في استرسالك لهذا الطائر الرائع

[صاحب رأي]

مسألة أنه كان في نص عملية الترويض تحتاج إلى خبرة

وذلك يتضح من خلال سولك الطائر

مثلا أنه عند وضع اليد أو عصا عند الصدر سوف يتعامل معها أولا بالمنقار ثم

سوف تلاحط أنه يحرك رجله ليصعد عليها لكن غير المدرب سوف تجده يهاجم بالمنقار فقط

أو يهرب منها ولكن مثل ماقلتك تحتاج إلى خبرة في كون الطائر قد تلقى تدريب أو لا والمثال

قد يخطىء وقد يصيب

ومبارك عليك الطير

[مجرد طموح]

اخواني

عازف اورج -يوفاوي الكويت -BO-DANIAL-صاحب راي

مشكورين يالغالين ماقصرتو وشرفتو موضوعي ومنكم اتعلم الله يجزاكم خير جميع

وابشركم اليوم السبت الصبح صفر بعد واجد والعصر صفر مره واحده

طبعا نسيت اقولكم ان جناحه من شريته مقصوص واضافره قاصينها له بعد مع اني لاحظت اليوم انه يجعر زياده

يمكن لاني حاط كيس تحت عشان اعزكم الله الاوساخ ماتتجمع على القفص مع العلم اني انظفه كل يوم

والاكل والماء مرتين باليوم بعض الاحيان والله ياخواني انا شاريه وداخل تحدي مع نفسي على الترويض لان

الترويض حاسس اني ببدع فيه

تقبلو احترامي وشكرا مره اخرى

[توكلت]

مجرد طموح فك القفص وخليه يطلع فوق القفص وابداء بااطعامه بيدك وانت بوضع الجلوس
وماتحاول تعيده للقفص هو بيرجع لوحده ..وليش لا يمكن الطير متدرب وصاحبه حب يبيعه
بالتوفيق

[مجرد طموح]

مشكور اخوي توكلت على النصائح بس يالغالي مابعد انتهت العشر الايام ( فترة التعارف ) ابي اخليه ينتهي

من فترة العشر ايام الاولى عشان يعرفنا زين وبعدها بفك القفص وبخليه يطلع لوحده

تقبل احترامي ومشكور على مرورك