اشترك في نشرتنا البريدية ليصلك كل جديد

Skin · 02-10-2012, 10:03 AM

السلام عليكم
عندي فرخ كروان لي وانا اغره اسبوع ياكل كويس وصحته ممتازه بس قبل يومين لاحظته الاكل ماينهظم كويس يعني اذا غريته وجيته بعد 6 او 7 ساعات اشوف الاكل مانهظم كويس واذا بغره مايبي اكل ...!
هذي الصوره له 7 ساعات من غريته

http://i.imgur.com/NHeLB.jpg

http://i.imgur.com/HWtR2.jpg

سمسم746 · 02-10-2012, 10:20 AM

اهم شي المويه
خله يشرب بعد الأكل عشان ينزل الاكل من الحويصله

جورجي · 02-10-2012, 04:19 PM

وعليكم السلام والرحمة
اخوي ويش نوع السيرلاك اللي تغره الفرخ ؟ هل هو سيرلاك اطفال او سيرلاك فروخ ؟
اذا كان سيرلاك اطفال اتركه واستبدله بحق الفروخ
الوجبة هل كنت تعطيها للفرخ دافئة وجديدة ؟
لان في موضوع سابق لك .. كنت تسأل عن وجبة تظل يوم او يومين ..
بالطبع الافضل الوجبة تكون جديدة ودافئة كل مرة ..
الفرخ الى الان مافرغت الحوصلة ؟
ان كانت الى الان مافرغت .. خذ ثمرة البابايا واقطع قطعة صغيرة وتخلص من القشرة والحبوب .. وخذ القطعة وحطها بخلاط مع شوية ماء .. وبيصير عندك عصير بابايا .. وصفي العصير بمصفاة ..
خلي العصير بكوب وخذ ماء حار "مغلي " بوعاء ثاني وحط الكوب بوسط الوعاء علشان يدفئ العصير .. انتبه لايصير العصير حار .. فقط يكون دافئ
وبعدها غر الفرخ من هذا العصير 2 او 3 سم بابرة الغر ...وبعدها بساعة ونصف او ساعتين شيك على الفرخ وان شاء الله الاكل انهضم ... بتلاقي ان بعض الاكل انهضم ..وترجع تسوي نفس العصير بنفس الطريقة وتغر الفرخ وهكذا كل ساعة ونصف او ساعتين تغر الفرخ عصير البابايا لين تتفرغ الحوصلة بالكامل .. اذا شفت ان الاكل ينهضم .. تزيد كمية العصير اللي تغرها للفرخ مثل من 3 الى 4 وهكذا
يمكن الطريقة متعبة .. لكن بالنهاية الحوصلة بتتفرغ
الطريقة استخدمتها لفرخ روز .. حوصلته وقفت عن هضم الاكل .. وبعدها تفرغت الحوصلة ورجعت طبيعية
ثمرة البابايا

لو ماتوفرت عندك هالثمرة استبدلها بالتفاح الاحمر .. واستخدم لب التفاح الابيض بدون القشر والبذور .. فقط اللب

Skin · 02-10-2012, 06:53 PM

السلام عليكم
انا عندي اكثر من فرخ اربيهم في نفس الوقت اغرهم سيرلاك القمح واعدلهم الوجبه اول باول والماي دافي وكل شي تمام الا هالفرخ ....!

~~هاووي الكوكتيل~~ · 02-10-2012, 07:54 PM

انا كان عندي فرخ ربيته لين كبر وصار عمره الحين سنه ونص او سنتين ولاضاق طعم السريلاك

وماشاء الله عليه كنت اعطيه بيض مسلوق بسكويت الشاي مع مويه اعطيه خبز ساندويش مبلول

وعلطول على ذول الوجبات والحمد الله يعني لاحد يقول لازم نوع معين من السرلاك ولاغيره

جورجي · 02-10-2012, 10:58 PM

اخوي سوي الطريقة لتفريغ حوصلة قبل لايتعفن الاكل بالحوصلة ويمرض الفرخ اكثر
بمعنى لاتخلي الفرخ يعاني .. وفيه طريقة ثانية .. تودي الفرخ الى بيطري والبيطري يبفرغ لك الحوصلة .. هذا اذا كانت عند البيطري خبرة