اشترك في نشرتنا البريدية ليصلك كل جديد

كاسكوكيه · 08-11-2008, 08:54 AM

السلام عليكم و الرحمه

أخباركم؟ عساكم بخير

طبعن انا شاركتكم >>تجربتيه<< مع شامبيه و كيف خليته يوقف على ايدي في اقل من اسبوع

من يومين قررت اني احط شامبيه (كاسكو عمره 6 شهور عندي من 3 شهور الحين) في الصاله.. ووصيت الأهل عليه عشان ما يخوفوه! لاني خلاص قضيت معاه شهرين اروحي في الغرفه و ما يخالط حد غيري الين تعود عليه و بدا يسمع الكلام

انتبهت انه الكل يلاعبه بما انه في الممر... وانصدمت اني يوم جربت منه بدا يعض بطريقه هجوميه
واااايد تغير سلوكه معايه.. حتى قام اول ما يجوفني يهجم ع القفص و يعضه بشكل متكرر عشان يوصل لي و يعضني

شو الحل؟؟ و شو اقدر اسوي عشان ارد ثقته فيني؟؟ انا رديت عزلته مره ثانيه عشان اعوده عليه من اول ويديد

بس هل بيتم طول عمره معزول؟؟ شو اقدر اسوي ساعدوني بليز

افريكانو · 08-11-2008, 09:51 AM

و عليكم السلام و رحمة الله و بركاته

اتوقع انك ما اعطيتيه فرصة كافيه يتعود على المكان الجديد فأكيد رايح يتغير سلوكة لأنه في مكان جديد بالنسبة له و اعطيه فرصة اسبوع الى اسبوعين يتعود على المكان الجديد و الاشخاص الي فيه و يحس ان المكان أمن و مافي اي خطر عليه و راح يرجع زي اول لانه كان في منعزل حسب كلامك فاكيد المكان كان هادئ و لا يوجد اشخاص كثيرين من ثم انتقل الي مكان اوسع و اقل هدوء من المكان السابق مما اصابة بالتوتر على ما اعتقد و الخوف

فعادي يتعود على المكان و يرجع طبيعي

تقبلي مروري

كاسكوكيه · 08-11-2008, 10:03 AM

اوكي.. انا فكرت بهالشي.. لانه المفروض يتأقلم ع المكان.. بس المشكله في شي.. اني ما اروم اراقب الأهل.. هم ع طول يبون يلعبون معاه.. و ما يتفهمون انه المشكله في انه لازم يتأقلم.. @_@

بحاول اني ارده مره ثانيه .. بس حتى يوم رديته في المكان المعزول.. مازال يعضني و كارهني

يالله انا بصبر و بجوف شو بيصير

Xref · 08-11-2008, 11:28 AM

غريبة تغيره الكبير هذا
لا يكون احد خوفه؟

M a Y e D · 08-11-2008, 11:31 AM

السلام عليكم ورحمة الله وبركاته ....

انزين ليش ما تحطينه في الصاله مع الاهل ومب مشكله اذا لعبوا معاه على الاقل بيتوالف معاهم مع الوقت وما بيخاف وفي نفس الوقت ما بيعض.

انا من رايي انج تخلينه يختلط مع الناس يحليله مب حلوه تخلينه بروحه، بهالطريقة بيلقط الكلام وبحاول يركب على ايد اي شخص يمدله ايده.

سلفر9 · 08-11-2008, 01:37 PM

لتوووووووووووووووووقع شوية ووووووووقت لا اكثر امر طبيعي اما انه يلعب معااااااااهم هدا مر ايجابي بس لا احد يهتم فيه غيرك الاكل والماء انتي تعطينه ضرووووووري جدا لانه اتوقع لقا اهتمام من غيرك