S.O.S كلبي اجتماعي زيادة عن اللزوم -_-

[Yuna Braska]

السلام عليكم يا غوالي ^_^
ان شاء الله كلكم بخير
ما رح خليكم تشتاقولي مشان هيك كل فترة بطرح سؤال عليكم هههههه
فلا تتدايقو من الوضع

عم عاني من مشكلة جديدة مع كلب المالينوا خاصتي !!
بالمختصر .. الكلب بينبح عالغرب وما بيقرب عليهم وهالشي ممتاز

بس الشي المزعج انو هو متآلف على الاقارب بطريقة كبيرة ..
يعني بيقدرو يعطوه اوامر وهو بيستجيب بكل بساطة !!
واحياناً بعطيه امر فالاقارب (وبصيغة المزح) بيعطوه امر معاكس ..
فبيرد عليهم وبيطنشني

انا مابدي هيك .. بدي يكون بيعرفهم وما ينبح عليهم .. بس ما يرد عليهم -_-

حاولت كتير دربو بس المشكلة اني ما بدي الاقارب يعرفو بهالتدريب كرمال ما يصير احراج وينزعجو -.-
لأن اول ما جبتو عالبيت كنت امنعهم من اللعب معو فكنت اسمع كلام لاذع من بابا بمعنى أنو عيب هالشي

يعني بدي دربو بدون مساعدة قريب .. هالشي ممكن؟؟
وملاحظة صغيرة عن الكلب :
احياناً هو بوجودي ما بيعمل يلي معلمتو عليه ..
بس بغيابي بيعمل العكس تماماً وهالشي معذبني كتير
فهل هناك حل يا سادة ؟

لأني رح جن رسمياً