[ابوو عبدالله]

السلام عليكم ورحمة الله وبركاته

حبايبي انا شريت ببغاء دره اليف ويطلع ع اليد وياكل من اليد

أخذته البيت والأمور تمام وكل شي زي العسل

الكلام هذا كان يوم الجمعه الصباح

اخذته وخليته على الاستاند حق القفص ومفتوح ما قفلت عليه ابداً من اول ماجبته

جيت بعدين اعطيه يدي عشان يطلع صاار يعض

بس بمجرد ما اشيله من القفص واحطه على يدي يروق شوي لكن العض

والمحاولات موجوده منه يحاول يقرب من أي اصبع اذا كان على يدي عشان يعض

اذا مشيت فيه عادي مافيه مشكله

يخليني المس راسه وبعض الأحيان اذا جيت المس راسه يحاول يعض

مابطول في الكلام عندي كم سؤال وأتمنى منكم الاجابه عليها

1- اش مشكلته مع العض بالرغم من أنه أليف هل لأنه للحين ما تعود علي والا كيف
اليوم هو الثالث له عندي

2- كيف اخليه ما يعض نهائياً

3- اذا حطيته على يدي ما يثبت يحاول أنه ينزل من يدي اش الحل عشان يثبت

4- طبعاً هو عنده كلمتين ومن اول ماجبته احاول كل فتره أكرر عليه كلمه يقولها
بس لاحظت عليه أني اذا كررت يعصب ويمد رقبته يحاول يعض على الرغم من
أن عيونه تصغر وقتها طبعاً انا جالس اكرر عليه كلمة ( سلام عليكم )

5- اذا كان على القفص واجي ابيه يطلع على يدي يحاول يعض بس اذا كان في مكان
ثاني ماعنده مشكله يطلع على طول واذا قربت عنده من القفص يروح مكان ثاني

6- وهو في القفص اخذ عصى معاي عشان اخليه يطلع عليها وبعدين أطلعه على يدي
الطريقه هذي سليمه والا لا

7- أتمنى تفيدوني بوقت الأكل يعني كم مره في اليوم وكل بعد كم

وشكراً جزيلاً لكم مقدماً

واسف طولت عليكم بالكلام والأسئله