طيب معليش صار لي بعض العوائق بالفديو فاختصارا للوقت جمعت بعض اهم الصور لايصال الفكرة ..
أولا : المكيف
اخبرتك سابقا بانه ماله فلتر وكل شوي نسوي له تنظيف وغسيل فريون وصرف وحاله غير انه صار ادائه خفيف بالمستوى العالي لاني كنت ضابطته على برودة منخفضة وصار بعد فترة تبريده اضعف او اقرب الى المروحة ..المهم غيرت قوة التبريد الى الأعلى فاصبح تقريبا جو الغرفة بين 25 - 22
اشرت الي بموضوع القماش كفلتر بديل للمكيف وبالفعل اخذت قاعدة احد ارضيات الاقفاص القديمة وغلفتها بقماش بطبقتين وخيطت الاطراف كلها وثبتها حتى يثبت القماش بعد التركيب وجدت مساحه صغيرة فلجنب لم تصلها فاخذت قطعة اخرى من القماش وغطيته فوق الفلتر البديل والمكيف وجيت بعد يومين تقريبا ماشاء الله القطعه امتلت كامله .. وبعدها بكم يوم رفعت القماش الاول ووجدت ان الريش او غبرة الطيور واصلة للمكيف والصور توضح وهذا كله في اقل من اسبوع هل استمر على وضعي وانظف القماش كل اسبوع تقريبا او فيه خيار بديل ؟ وهذه صور توضح كلامي فيما يتعلق بالمكيف .
-1-
-2-
-3-
-4-
-5-
ثانياً : فيما يتعلق بالتهوية وضبط درجة حرارة الغرفة .
هذا اصعب شي وإلى يومك وانا محتاره فيه ولا اعرف ايش اسويه فيه ..
كما اشرت بالسابق حجم غرفة طيوري صغير جدا فيصعب علي ضبط درجة الحرارة مقاساتها تقريبا مترين * في ستة امتار 2*6 ومرفق بها حمام صغير له باب سحب خفيف مستخدمته كمخزن وبه نافذه ولكن وجود الهوا تقريبا معدوم مو مكان تيار للهوا ..
من اول ما بدات مشواري كنت افكر بتركيب مراوح الشفط كما اشار لي ابو عمر سابقا انه اجيب اثنين واحدة من الباب بعكس المروحة للداخل فتشفط الهواء الخارجي للداخل وهذا جميل ولكن بالنسبة لموقعها كان ببالي استغل فتحة المكيف واكنسله من الغرفة ما اعرف ليش الى الان فكرتي باقية وما ابغى اشوه الباب واخاف اجيب لي عمال يرفعو الضغط ويكسروا الجدار بطريقة سيئة وبوجد فراغات .. والأخرى للشفط من مكان التخزين للخارج فيصبح تيار مستمر بالغرفة
وفي برضو شخ نصحني بنوعية للشفاطات مجربة فشجعتني للتنفيذ ومازلت ابحث المهم اغلب وقتي بيكون يا المكيف مفتوح ومقفل الباب او يريح المكيف يومين كذا والباب مفتوح والمروحة شغالة طول الوقت ودايم استودعهم الله خايفة عليهم من البسس ووالله مرة دخلت الظهرية عندهم لقيت البسة متربعه ونايمة وسط غرفة الطيور بالبداية انفجعت قلت لا هذي متغدية عليها وماخذتلها غفوة ما اصدقت غير لما دخلت واتطمنت على طيوري انهم طيبين اثرها المسكينه هربت كانت بس بتتبرد من الحر بس ما اظمنهم هالبساس صارت لي حوادث سابقة بثواني كنت اروش طيور اليفة بالحوش مدري كيف نطت ولقطته ومافكت فمها الا لما طاح راس الطير ميت فهذا القلق مزعج الى ان فكرت باستغلال المساحة امام الغرفة واحولها تقريبا الى واحة مصغرة وبكذا تكون غرفة الطيور مفتوحة طول الوقت وللافريقي فقط وبقية الطيور الصغيرة منفصلة بالشبك المفتوح خارجج الغرفة ويمر تيار الهوا على الجميع وامن ان شاء الله من موضوع البساس فلقيت الاسعار فوق المتوقع جدا ووقفت محتاره الى الان ما اعرف ايش اقرر اسوي .وكيف اهم شي اضبط درجة حرارة الغرفة واتاكد من تهوية جيدة !؟
هنا صورتين لدرجة حرارة الغرفة بالوضع العادي فقط مروحة
وهنا مع التكييف بعد فلتر القماش واحيان بالمسا يوصل اقل
ثالثاً : النظافة .
ذكرت لي سابقا ان احيان النظافة وطريقة التنظيف تكون سبب لقلق الطيور في نقاط سريعة ساوضح لك طريقة تنظيفي اليومية والشاملة كل اسبوعين تقريبا الى ثلاث اسابيع .
1- التنظيف اليومي : كنس الارضيات وتنظيف حاويات الماء واضافة الاكل والماء للطيور واغلق الباب تقريبا العملية كلها ماتاخذ غير نص ساعه او ساعه الا ..
2- التنظيف الشامل : قد يكون فيه بعض الازعاج ولكن تصير على فترات متباعده بين اسبوعين الى ثلاث الفكرة اني اغير اكياس ادراج الاقفاص واكنس كامل الغرفة وبعدين عندي مضخة ضغط المياه من ساكو علشان عندي طيور تبدع ماتقتنع تقضي حاجتها وانتو بكرامه بقفصها ما اعرف كيف توصل وساختهم للارض المهم شوي ديتول وبالجهاز ونشفت المكان ورجعت قفلت الغرفة تقريبا فترة التنظيف من 5-7 ساعات دوام خخخ بس ممكن عشان مساحة الغرفة صغيرة فبسرعه يبين عليها الوسخ ولا اقدر اخليه فيتراكم لاقدر الله وتطلع لي بعدين بلاوي الحشرات والله مرة اشتريت من واحد زوج طيور وانا متعودة كل مايوصلني طير انقله بقفص جديد وانظف قفصه فلما فتحت القفص اقسم بالله 3 انواع حشرات ودود طلعت من قفص واحد وكان اسوا مربي قابلته بحياتي وصورت المنظر فديو ورسلتله هواا كنصيحه حتى يهتم فيما تبقى للي عنده وقعدنا نبخبخ ساعه لين ماتو كلهم والله لو اعرف لو هو عطيه ماقبلتها ..شي مخزي ومخجل ان مربي وهاوي للاسف مايظهر اي اهتمام واقلها النظافة غير انها مرتع للامراض وهذي ارواح بذمتنا حنتسائل عنها فمن الممكن ان يكون بعض الاحيان مثلما ذكرت ان النظافة باستمرار مصدر قلق للطيور لكن ماودي اهمل او اترك نظافتها فتصبح نهايتها كالمربي المذكور سابقا لاقدر الله نقلت لك طريقة التنظيف
حتى تستخلص لو كانت طريقتي غلط وتبلغني ببديل .
رابعاً وأخيراً : تحديثات للوضع الحالي .
* .. في البداية فقط اخرجت الطيور المقابلة وحاليا اخرجت كل الاقفاص بالخارج ما عدا الافريقي .
* .. وهذي الغرفة بعد مافرغتها من الطيور واستولوا عليها الافارقة
.
* .. وهذول الملاقيف يراقبوني وانا اوثق الاحداث الله يهديهم يارب ويصيروا اهالي صاحين دعواتكم .
أعتذر اعتذا شديييييييد على الاطاله ولكن حتى اوضح لك الصورة لاقرب شي .
وبانتظار الرد .