قطي ميكو ومشكلاته
السلام عليكم ورحمة الله وبركاته
قطي الذكر ميكو شهيته ضعيفه و أكله خفيف مرره وصار ضعيف بعد ماكان وزنه مناسب وجميل لدرجة إنه حتى شعره صار قصير بعد ماكان طويل!
مايأكل غير الأكل الجاف أو المعلب ولا يأكل الدجاج المطبوخ في البيت إلا قليل مرره وشويه ويتركه عكس باقي القطط!
الأكل المعلب وين ووين أجيبه لهم ليعني إذا خلص الدجاج فالأكل المعلب يعتبر بديل مؤقت!
لكن دايماً أطبخلهم دجاج مع مرقته بدون بهارات!
وأأكلهم بين الوجبات أو الفطور جبن مثلث أو الأكل الجاف
القطط الباقيه تحب الجبن المثلث ويتضاربوا عليه!
لكن هوه من صغره إلى الآن مايحب الجبن المثلث ولا يطيقه وجربت كم مرره خلطتله جبن مثلث مع الأكل الجاف يتركه عشان الجبن للأسف!
نفسي أعوده على أكل الجبن مثل باقي القطط لكن مرره مو راضي يتعود!
حطيتله حليب نفس الشئ يتركه يعني أكله كأنه قليل فيه الكالسيوم!
أنا خايفه عليه من كثرة الأكل الجاف لأنه قرأت إنه يسبب حصى في البول الله يكرمكم واللي أثبت لي هذا الشئ إنه أخويا كان بس يأكل قطه الأكل الجاف وقليل يعطيه أكل لين وللأسف صار قط أخي لايستطيع إنزال البول أكرمكم الله إلا بعد إجراء العمليه له لتفتيت الحصى وإزالته عنه!
فأنا ماأبغى أن يتكرر الأمر على قطي أيضاً
فإيش الحل معاه؟ تعبني كثير موراضي يتعود على الجبن ولا راضي ياكل إلا الأكل الجاف أو المعلب والمعلب يسببله إسهال الله يكرمكم إذاكان بشكل يومي عن تجربه فأضطر أقلل قدر الإمكان من الأكل المعلب وأعطيه أكل جاف وشهيته ضعيفه ويمكن من عمر 9 أو 10شهور على هذا الحال (ضعف في الشهيه وحتى إذا أكل فأكله قليل مرره للأكل اللين وأول قط يقوم منه من باقي القطط)
رجاء ساعدوني في الحل معاه؟
وإيش ممكن يكون السبب؟
وأيضاً كيف أعوده على حب الجبن ومنتجات الحليب؟
وكمان فيه مشكله بخصوص هذا القط أتمنى تساعدوني في حلها:
هذا القط له عاده قبيحه ودي إنه يتركها اللي هي : لجا وقت النوم ورجعتهم في غرفتهم كلهم عادي يسكتون إلا هو يجلس ينونو عند الباب ويدخل يده من تحت الباب ويحاول يفتحه لكنه ماينفتح فيرجع الباب ويحدث صوت مثل الطرق ويزعجنا في الليل بسبب هذي الحركه يكررها طول الوقت إلين مايصحي الجميع من النوم ويتكلمون علي بسببه وأفتحله وأبعده عن الباب وإذا قفلت عليه ثاني يرجع يعملها ثاني للأسف!
كيف أعاقبه على فعلته وأعلمه إن هذا الشئ خطأ؟ وللعلم بدون صراخ عليه لأن الجميع حيكون نايم فماأقدر أعاتبه بصراخ!
إيش فيه طريقه غير الصراخ أعاقبه فيها وأعلمه إن طريقته خطأ؟؟؟
وهذي معلومات عامه عنه:
عمره:سنه وشهرين تقريباً
نوعه: شيرازي مون فيس
|