|
رد: أسعار الببغاوات بالأسواق ((موضوع متجدد))
نزلت طيور كثيرة هالاسبوع في سوق الخميس " الرمادي "
هولندي سوبر جامبور صغيرة لسه ما نفطمت من عمر خمسة شهور ونازل وسعرها 1800 -1700
طبعاً أليفة لانها ما نفطمت وتاكل من اليد ومحجلة
والرمادي متوفر هالاسبوع باعمار مختلفة
اللي عمره 9 شهور ماهو محجل وغير أليف بحدود ألف ريال
أما الأمازونات للأسف ما في الا قليل وأغلبهم كبار
قبل اسبوعين كان لبلو فرونتد متوفر لكن الحين ما عاد في الا كبار
وفي حبتين يلو ناب انسامو اثنينهم بـ 1600 ريال
انسام واحد منهم بـ 8800
وماهم فروخ مرة
يعني سنة وعدا السنة تقريباً
سعر لبلو فرونتد كنا نقول قبل اسبوعين وقبل شهر بـ 3000 - 3500
الآن ما عاد فيه , لقيت فرخ يكحكح بـ 4000
يعني تقدر تقول ان لبلو ارتفع الف ريال تقريباً لعدم توفره
الدبل هيد الفرخ حدود 8000
اليلو ناب الفرخ حدود 9000
اللي سأل عن المكاو للأسف ما لي في هالطيور ولا سألت عنهم
سكر كنت بروح اليوم سوق سيهات بس نسيت , من البارح معزم يوم اشوف ردك بس نسيت
بشرني عساك رحت وشفت لنا لاسعار
|