|
كيفية ركوب الخيل 5
السلام عليكم حبيت الحين اشرحلكم عن ركوب الخيل في البطاقة السوداء ، وهي باختصار قفز حواجز عالي ، يعني الحد الاقصى في هاي البطاقة هو 6 عواميد لقفز ، والحين ببدأ في الشرح وانشاء الله تفهمون علي ....
اول شي الفارس لازم يكون لابس كل عدة الفروسية وثاني شي يبدأ في المشي مع الخيل بعدين التروت بعدين الكانتر ، بعد مايخلص الفارس من المشي والركض يستريح عشرة دقائق بعدين يبدأ الشخص الثاني الي وياه يعدل العواميد ويبدأ الفارس بالقفز على حواجز عادية وعلى اكسات وبعدين يستريح عشرة دقائق ، بعد مايخلص من الاستراحة يبدأ في الحواجز العالية ، طبعا هالحواجز ماتحتاج لعامود ارضي حقها ، هالحواجز تحتاج بس الضغط على السرج وحسابة الخطوة وتقصير الرين وكعب القدم على تحت واهم شي لازم يخلي الفارس الخيل يشوف الحاجز .
اول مايبدأ الفارس بتعلم على الحواجز العالية يبدأ في خمس حواجز ، خلونا نتخيل ان الفارس الحين بيقفز اول شي لازم يسويه لازم يخلي الخيل يشوف الحاجز وثاني شي لازم يكون الخيل طالع كانتر والفارس شاد الرين وثالث شي الفارس يحسب الخطوة اذا طلعت القفزة هي الخطوة الثالثة يعني قفزته صحيحة اما اذا طلعت اثنين ونص معناته القفزة غلط واحيانا اتسبب في سقوط الخيل او يمكن الخيل يوقف عند الحاجز يعني مايقفزه ، اما في الحاجز السادس يسوي الفارس مثل ماسوى في الحاجز الخامس بس لازم يكون فلح في الخامس علشان يكمل السادس .
وطبعا المعلومات الي كتبتها عن ركوب الخيل وقفز الحواجز هاي نابعة عن خبرتي في ركوب الخيل وفي بعد معلومات عن الفروسية انا اعرفها بس مب عارفة كيف اشرحها لكم ، فالي حاب يتعلم الفروسية اكثر ويتعمق في المعلومات اكثر بيحصل في الكتبات على كتب خاصة للتدريب على ركوب الخيل ، بس انا افضل للحاب يتعلم ان بسير عند اي نادي جريب من بيته ويتعلم لان الكتب هي بس اخذ معلومات عن الفروسية اما الالتحاق لنادي هو تطبيق ، فأنا افضل التطبيق لاني جمعت هالمعلومات كلها من التطبيق ، انا ماكنت اقرى كتب عن الفروسية واذا عندي سؤال اسأل الكابتن ، ةهذا كل شي وانشاء الله تفهمون على شرحي ....
وشكرا......
|