[ابو عقيل الهاشمي]

ما اقدر اجاوبك الا على السؤال الثالث ..

انا اشتريت دره جريحه ولي موضوع هنا وساعدوني الاخوان ..
والان الحمد لله تماثلت للشفاء ..
وشدني لها حماسها ونشطاها في القفص ماشاء الله .. برغم الجرح ..
ومازالت نشيطه .. طبعآ

انا خبرتي قصيره في توليف الطيور .. لكن سبحان الله اعتبره توفيق من الله وثاني شيء انا صبور جدآ ..
يعني ما استعجل على التدريب اعطي الطائر وقت للهدوء والاسترخاء والتعود ... ومن ثم ابدا بالامور التي تساعد على تدريبه وهكذا .. والان انا دربت كروان كان الكل يقول صعب يتدرب ونزلت صوره هنا في البدايه وقالوآ عمره سنتين والان من اروع مايكون الحمد لله ...


بالنسبه للدره .. اول خطوه وضعتها في قفص كبير .. لمدة اسبوع كنت اقترب منها بهدوء فقط لتغيير الماء والطعام
.. في البدايه كانت خايفه جدآ بمجرد اقترابي من القفص تبتعد للجهه الاخرى .. لكن مع الوقت عرفت اني ما اقترب منها الا لوضع الطعام فقط وقل خوفهآ ..

بعد اسبوع وضعتها خلف باب غرفه .. وهذه الغرفه ادخلها باستمرار باليوم اكثر من مره ...
طبعا لما افتح باب الغرفه للدخول كانت تخاف لكن مع الوقت صرت ادخل وامر بجنبها اخذ اغراض او ماشابه واطلع
.. وكل يوم على هذآ الحآل اعدي بجانب القفص تماما ..



وبعد ثلاثه اسابيع تقريبا .. وبعد ما تاكدت انها حفظت الغرفه بشكل عام وعرفت قفصها ..
صرت اترك لها باب القفص الباب العلوي مفتوح ..
واخرج خارج الغرفه ..
ولما ارجع للغرفه باحصلها فوق القفص بتتمشى ..
وطبعا اذا عديت ومرت بجنبها تدخل بالقفص بسرعه ..


واشتريت اترك لها باب القفص مفتوح الى الان .. ولها حرية الوقوف فوق القفص والدخول ..
وبدات مؤخرا الامساك بها ..
وطريقة الامساك طبعا .. مهمـه جدأ
البس قفازين واضع يدي على عيونها وامسكها باليدين المهم اغطي عيونها وراسها لان الدره بمجرد ماتغطي عيونها وتضغط على راسها بخفيف تهدى تماما ..
وامسك كل جسمها بيديني الاثنين .. واضع لها على طرف اصبعي السبابه عسل ..
ووجدت انها تحب العسل جدا .. ويزيدها هدوء .. واجلس امسح عليها مده معينه وما بالاقي منها اي مقاومه .. وارجعها القفص .. وكل يومين باعمل نفس الشيء تقريبا ..


لغاية قبل ايام .. وضعتها على يدي بدون ما امسك جسمها تركتها حره طليقه على يدي وكتفي وصارت تتسلق ومابتعض ابدا ..

واذا كانت بتعض فهي تقصد التسلق لا تقصد العض للدفاع عن النفس ..

وايضا يمكن ان تستغل الشمس .. مثلا لو انت وضعت الدره في غرفه لا يوجد بها شمس ...
تجد ان الدره متلهفه على اشعة الشمس فيمكن ان تستغل هذا الامر ..
والطريقه

اول شيء تلبس القفازين .. وتمسح على كل جسمها لين تحس الدره بالهدوء والامان
وتطعمها القليل من العسسسل باصبعك .. وتضع الدره بين يديك تحت اشعة الشمس النافذه من الشباك مثلا
.. الشمس تساعدها على الدفء والاسترخاء وعدم المقاومه .. وايضا حاول ان تطعمها عسل من فتره الى اخرى

لا تطعمها عسل كل دقيقه .. لانها في النهايه ستصاب بالعطش ..
واذا اصيبت بالعطش عليك بارجاعها الى القفص ..
لان العطش يجعلها في حاله غير مطمئنه ومستقره .. ولن تستجيب للتدريب والاسترخاء ..


اسهل معادله لترويض الدره ..
كلما عرفت وتوصلت لطريقه تجعلها تسترخي وتهدأ = كلما احبتك وتقبلت منك لمساتك واحست بالثقه من ناحيتك ..


وعلى فكره الدره حقتي نفس عمر حقتك بالضبط واشتريتها مجروحه ومو متدربه ولا شيء
لكن قدرت اعالجها واحن عليها واحسسها بالامان وعدم الخوف ابداا