|
رد: تربية جوز درة للانتاج ،، استفسار
ربيها بالمزرعه وحط لها سلاكة وتوكل على الـلّـہ واستودعها الله وان شاء الـلّـہ تنتج
بالعكس الدرة طير ماينتج بالبيوت الا نادر جدا اكثر انتاجه يكون بعيد عن البشر وفي المزارع
بس خذ لك جوز بالغ ومن الافضل يكون غير اليف
هو بيتوالف مع الوقت حط له بياضة وحده حجمها كبير نوعا ما
وعلقها بمكان مرتفع لان الطيور تحب الاماكن المرتفعه للانتاج
وحاول تحط لهم قش في مكان ما بالسلاكة هم بيجمعونه من الارض ويسوون العش
والاكثر من كذا تأكد ان الجناح مو مقصوص لان الطير اذا مقصوص جناحه مايتزاوج لعدم قدرة الذكر على التوازن فوق الانثى
الغذاء انصحك بالبلح << ولو انه مو وقته والجرجير والفواكه الطازجة مثل طماطم خيار خس تفاح برتقال خوخ وكمان خبز لين مثل الصامولي الخ طبعا مع الفصفص حقه لازم تنويع الغذاء عشان الانتاج وكمان عشان يلاقوا شي يغروه لفروخهم لو فرخوا
فالدرة طير ماشاء الـلّـہ يأكل كل مايقدم له
والافضل ان تكون لوحدها بدون حيوانات اخرى
بخصوص الجو استنى الين يدفي الوقت شوي وبالعكس الدرة طير يتأقلم بكل الظروف بس بما انك بالرياض
فاستنى الين يدفي الجو اهم شي مايكونوا بالشمس مباشرة عشان الصيف
بخصوص المجثم وحده او ثنتين احسن بياخذوا راحتهم اكثر
وان شاء الـلّـہ نسمع منك اخبار طيبة
__________________
اللهم يا مسهل الشديد وملين الحديد ويا منجز الوعيد ويا من توكل كل يوم فى أمر جديد
أخرج مرضانا ومرضى المسلمين من حلق الضيق إلى أوسع الطريق
|