[ابو ميرزا]

بسم الله الرحمن الرحيم
السلام عليكم ورحمة الله وبركاته
*هي فقاسة انا صنعتا من شوية مواد بسيطة كتير وماكلفتني شي ابداً كل الاغراض موجودة بالمنزل حتى ماحتجت لجهاز ترموستات حراري ولا لمقياس رطوبة ولحمد لله الفراخ فقسو مع العلم اني ساكن بدمشق والكهربا بتقطع حوالي 12 ساعة باليوم*

اخواني هاد موضوع عن الطريقة الي صنعت فيها الفقاسة
اول شي انا جبت سحارتين ستيريبور ( فلين ) وسكرت كل الثقوب يلي فيم
اول شي ولصقتهم منيح فوق بعض

وبعدها جبت لمبة ومروحة وثبتهم فيها كما هوة واضح بالصور


وثبتت شبك في المنتصف لوضع البيض عليه ووضعت عليه ميزان الحرارة
وعملت فتحة من الجانب العلوي وسبتت لوح زجاج قابل للفتح والتسكير


وثقبت ثقبين في الفقاسة للتهوية الاول خلف المروحة مباشرة والثاني في الجانب الاخر و في الاسفل وضعت صحن ماء تحت المبة مباشرة لزيادت الرطوبة
وفي النهاية غلفتها بورق جدران لتحسين شكلها
لا اخفي عنكم بالبداية وجدت صعوبة بضبط درجت الحرارة على 37 ولكن بالنهاية استطعت ان اصل الى هذه الدرجة بواسطت لمبة 5 واط بدون الحاجة الى منظم حراري ( ترموستات )



نشالله تكونو ستفدتو من هل شرح واي استفسار انا بالخدمة
رح نزل فيديو جديد للفراخ الي فقسو اليوم في اول تعليق
تحياتي .. ودمتم بخير