[ابو ريمان]

المشاركة الأصلية كتبت بواسطة Aze

ابو ريمان.. البيض مايبين انه ملقح او لا من شكله الخارجي!!!

لازم يحط كشاف على بيضة وحده واذا طلع فيها عروق فهي مخصبة.. هذا واحد.
2. هل سبق لك وشفت الذكر يلقح الأنثى؟ لان الكوكتيل يتزاوج بكثرة حتى مع وقت وضع البيض.. اذا لا فالبيض مايتم تخصيبة اذا الانثى لا تقبل به.
3.. درجة الحرارة ماتضر طالما ان القفص مو بخارج البيت يعني تحت الشمس.. بحكم تجربة انتاجي.

هلا فيك يالغالي

يالغالي الله يقويك ويسعدك دنيا واخره

البيض ما يبين انه ملقح او غير ملقح الا بالكشاف ,, هذا صحيح والمبتدء يعرف هذه المعلومه

لكن .. من الشكل الخارجي للبيض تعرف ان هذا البيض فيه جنين ميت او غير ميت

فـ مشاركتي يالغالي هو معرفة جنين ميت او غير ميت من الشكل الخارجي

بما اني عرفت ان الجنين ميت يلغالي من الشكل الخارجي فمن المؤكد ان البيض كان ملقح

هل وضحت لك هذه المعلومه !!!!!

طبعا يالغالي ما يتم معرفة الجنين ميت او لا من الشكل الخارجي من البيضه الا بعد مرور 9 ايااااام

من عمر الفرخ يالغالي ...........


بخصوص الجزئيه الثانيه يالغالي راح ترويك معلومة الجزئيه الاولى من شرحي بإذن الله !!

الجزئيه الثالثه يالغالي ( درجة الحراره ) :

يالغالي اهم شي في الانتاج ( درجة الحراره سواء في الخارج او داخل البيت )

داخل البيت يالغالي في ناس عندهم درجة الحراره توصل 35 - 36 درجه هل هذا صحيح ؟؟!!!!!!

لازم تعرف يالغالي ازواج الكروان تنقسم الى قسمين :

زوج جديد اول انتاج له ( عديم الخبره )
زوج قديم سبق ومنتج ( خبره )

الزوج الاول ( عديم الخبره ) :

اول انتاج له صعب جدا جدا يعلم بوضعية تقليب البيض وتفادي رطوبة البيض وقت التحضين

مثال بسيط في واقعنا نحن كبشر :

عندنا اذا البنت تزوجت وماعندها خبره وحملت بجنين هل تتوقع ان البنت الجديده في الحمل
تفهم كل شي عن الحمل !!!!!

من المؤكد ان البنت تستشير وتسأل وتشوف في الشهر الاول ايش يصير في الشهر الثالث ايش يصير

نا س يقولولها لا تتحركي في الشهور الاولى وناس يقولولها انتبهي من كذا وكذا

طبعا هي ماهي فاهمه شي ؟؟؟!!! ليش ماهي فاهمه شي ولا تعرف كيف تتصرف وتكون خائفه

علشان هذه اول تجربه لها في الحمل من المؤكد راح تكون ضعيفة خبره

وكذلك زوج الكروان ضعيفة خبره اول انتاج لها درجة الحرارة المكان عامل اساسي للزوج

النتائج السلبيه في انتاج درجة حراره غير مناسبه كالأتي للزوج عديم الخبره كالأتي :

بيض ملقح لكن موت جنين داخل البيضه ( رطوبة البيض )

غشاء الفرخ التي تغطي الفرخ تحت البيضه غشاء خفيف لونه ابيض تلتصق في جسم الفرخ

مما يسبب عدم اكتمال نمو الفرخ وتسبب في موته ..

انا انسان والحمدلله مجرب هذه التجربه بنفسي وضحيت يالغالي بتجربتي 8 ازواج !!!

زوج عديم الخبره اول انتاج له وضعته في غرفة انتاج درجة الحراره 25 - 30 درجه

وزوج خبره سبق ومنتج وضعته في غرفة انتاج درجة الحراره 30 - 37 درجه

ووضعت كل من الزوج اناء فيه ماء في ارضيه القفص مع كاميرات مراقبه

لاحظت حاجه وحده فقط اشفت غليلي ان الزوج عديم الخبره لا يستخدم الماء ولا تستفيد منه

وفي الزوج الثاني الخبره لا حظت ان الزوج بدء في استخدام الماء لتفادي رطوبة البيض بعد 13 يوم من وقت وضع البيضه الاولى

قلت في نفسي ليش الزوج الاول العديم الخبره ما استخدم المااء ,, قلت احتمال ان الغرفه مناسبه لهم وما لها داعي

النتائج يالغالي عديم الخبره فرخين من 5 بيضات
والزوج الخبره 4 فرخ من 4 بيضات كلها فقست

قمت عكست الموضوع علشان اشوف هل الزوج عديم الخبره راح ستخدم الماء في درجة حرارة المكان المختلف عن ما سبق

لاحظت يالغالي الزوج مستخدم الماااء بشكل اساسي
سبق ان الزوج عديم الخبره اصبح منتج

عندها تيقنت يالغالي ان الزوج كسب خبره وعرف وين كانت المشكله في عدم فقس البيضات الاخرى

وفي ازواج يالغالي وضعت لهم كالسابق ازواج منتجه يالغالي وحريقه

لا حظت ولا بيضه تم فقسها مع العلم انها جميعها ملقحه

وحطيت الازواج اللي ولا بيضه فقست في درجة حراره متاسبه للإنتاج

رايت والحمدلله فقست جميع البيضات

والحمدلله عرفت من نفسي وجربت من نفسي والله هو المستعان على هذا الشي

عندها المعلومات الي نسمعها ونقرأها درجة الحراره عامل اساسي للإنتاج هذه معلومه صحيحه

ومعلومه علميه من خبراء منتجين عند الغرب وجربتها بنفسي

واعذرني يالغالي على الإطاله ,,لكن هذه امانه واحب اوصلك ايااه بكل الطرق التفصليه بحيث

تستطيع هضمها ,, انا انسان شوي تفصيلي ,,^_^,,

واتمنى ان المعلومه وصلت لك يالغالي وفهمت مقصدي اللي حاب اوصلك ايااه