[medozoom]

بسم الله الرحمن الرحيم



اسعد الله اوقاتكم بكل خير جميعا

نقدم لكم من بدايه هاليوم

سلسله تدريب وترويض دلوووووع المتوحش

الصراحه خلال هالفتره قعدت اجرب مع دلوع بعض الحركات

يا اخوان الي يبغى يدرب ببغاءه لازم يكون عارف مميزات طيره وش يحب وش يكره

ويقيس نسبه الفه الطير ويسوي جدول يقوي الاشياء الضعيفه في طيره او الاشياء الي يحب انها تكون في طيره

يعني تشوف الطير صحته زينه ومرتاح وعندك استعدادك لتدريبه وانت مروق

الصراحه كرهت الطير كره لا يقاوم

انا دربت طيور وجربت عض متنوع لكن عض دلوع غير

قسم بالله يا اخوان عضني في عظمه الاصبع وقسم بالله طلعت اصوات عظام وطقطقه تحك في بعض في ايدي

جاه كف لا شعوري طبعا خلاه يتوحش بزياده


عض منوع مع اظافر خلى يدي شوارع يعني الحين حفظت الطرق اي شارع تبغاه مرسوم في اليد ما يحتاج تتعب نفسك وتشتري GPS خخخخخخخخخخخخخخ




طبعا تم اكتشاف ان الطير فرخ حقا بعد ما سمعته يطلع صوت الفروخ لما اعدي من جمب الطير

وقمت سويت سيريلاك واعطيته وتقبل الموضوع


http://www.youtube.com/watch?v=zRahxRK6tIs

الصراحه كان عض الطير فوق الوصف لفيته بالمنشفه لفتين وعضني فوق المنشفه تخيلوا وطلع دم

الطير غير طبيعي

المهم اتخذت الاجراء الي يخليني ما اكره الطير

وابرد منقاره يمكن 6 مرات

كل ما عضني وطلع دم قمت بردته الين حسيت اني قسيت على الطير وعور قلبي وربي

ووقفت برد

مميزات الطير :

الطير يتكلم طبعا وعنده كلام بسيط منوع وذكي وهو فرخ هذي ميزه حلوه ماشاء الله

الطير جرئ جدا إلى ابعد الحدود وما يخاف من اي تقدمه له ماشاء الله تبارك الله

ياكل من اليد اي شي ماشاء الله

عنده حركات ممتعه الطير ويتقلب ويرفع اجنحته ويسوي حركات حلوه

لما تبغى تلمسه ينقلب على ظهره عشان يمسك بارجوله عشان ينهش اللحم بتمكن خخخخخخ

اهم شي لا تلمس الجسم لانك بتشوف عض يخليك تقول اسمك بالمقلوب

طبعا كان الطير فيه شوي تسييف وتم اعطاءه العلاج وان شاء الله يخف يارب

طبعا بدونكم وبدون مشاركاتكم انا ولا شي

حتى هذا ريش الصدر مو مكتمل





مخمخه وترتيب الريش



بسم الله نبدا السلسله معاكم ومع دلوع وعلى بركه الله


محبكم MEDOZOOM