[تووتـي0510]

السلام عليكم ورحمة الله وبركاتة

بعرض لكم صور طيور الكوكاتيل الموجوده عندي

اذكرو الله وقولو ما شاء الله



الانثى الام اهي من الانتاج السابق( اللي اهو اول انتاج من يوم بديت اربي الطيور ) بسنة 2013 وعمرها تقريبا سنه ونص

هذه اهي في هالصوره طالعه تاكل اندومي من تشوف الصحن ماتخليني فحالي ورايه لين اعطيها

وعيالها نفس الشي




وهنا صورة الذكر ومو أليف بس بعد ماصار عمر الفروخ اسبوعين تقريبا كنا طالعين البر وشلتهم عندي وضاع يوم واحد وباليوم الثاني لقيناه ميت من العطش تحت نخله بالمسجد



وهالفروخ هنا من انتاجهم ونبدا من البدايه من البيض لين الفقس ولين بدأو يكبرون ولين صارو يطيرون

وطبعا مو أليفين 100% صحيح يرجعون للبيت لاكن بصعوبه امسكهم ومايحبون احد يمسكهم واخر الصور في فيديوهات لهم





حالياً عمر الفروخ 3 اشهر ونص واللي لونه رصاصي واهو اكبر واحد طلع ذكر يغرد ماشاء الله
واللي لونه اصفر اعتقد انثى لاكن مب متأكده







في هالصور بهالعمر كان مفروض يكونون بعشهم لاكن نقلتهم لاني طلعت البر ومافي احد في البيت عشان يهتم فيهم واللي سهل علي نقلهم انه امهم اليفه وتحبني وماراح تترك عيالها لاني مسكتهم



وهنا امهم تتحوط شوي في الجو الحلو































وهنا الفيديوات كله يحبون يطلعون فوق شجرة المانجو ويقطعونها


هنا في الفيديو الاول كنت توني مرجعه صندوق العش لهم من زمان شايليته عنهم ولما ركبته كلهم ضرابه عليه يبونه
في لقطات مالحقت اصورها يسدون الباب على بعضهم البعض عشان ماحد يدخل







وهنا يدورون أكل من عندي





وهنا ضيف جالس يدور أكل وصورته






أتمنى انه عجبكم تحياتي لكم