[mnoool]

السلام عليكم ورحمه الله وبركاته ,,

بقولكم تجربتي مع ببغائي البلوفرنتد , من باب اني ابي اقولكم ويمكن احد يسفيد مني

انا من قبل ربيت دره ,. وطارت
للأمانه كانت اول مره لي وكنت اخاف منها وهيك , وماعرفت اربيها

بعدها بكم شهر اشتريت البلوفرنتد , صوره موجوده بالمواضيع السابقه لي

تقريبا الان له 7 شهور عندي , ماشاءالله الطير اول ما اشتريته كان واضح انه ولد عز ومتربي
اقصد متربي تمام وهادي , وكان مايعرف العض , ويسوي حركات بهلوانيه , وحركات غريبه ,
طبعا انا ماعندي خبره فخربته

اتبعت نصايحكم خطوه بخطوه من اول ما اشتريتيه ككل الشكر لكم ْ~
كان ما يخليني المسه , وكنت لما اعطيه اكل من يدي ما احاول امسكه ابدا عشان ما يخاف ,
بس لما اعطيه العاب احاول المسه , وهو بالقفص , بعد فتره صار ينزل لي راسه امسح عليه ,

بعدها صرت اطلعه برى القفص ويتمشى بالبيت , بس كان مستححيل يطلع ع يدي , او يقرب مني \,

انا ما استخدمت معه اسلوب التجويع او اني اخبي القفص حتى اجبره علي , لا بالعكس اعطيته راحته , اللي يبي يسويه يسويه ,

احيانا يقرب الى عندي يشوف وش اسوي , ويخرب علي شوي بعدين يهرب لقفصه

ولأن البيت فيه اطفال ومزعجينه تعلم العض للأسف
بس المهم ما يعضني ,,

خلاصة الكلام , الان لما يشوفني على اللاب توب , يجلس معاي , يطلع فوق الشاشه ويجلس يناظرني , واحيانا ينام لين اخلص شغلي عليه ,
كمان الحين ماصار ينزل من يدي ويلحقني بككل مكان ,, واحيانا اجبره بالغصب يدخل القفص بس يجلس ع كتفي 24ساعه
الاكل معاي , ياكل اي شي انا اكله , يجلس ع كتفي وياخذ الاكل من يدي او فمي < قرف بس احب حركته هذي ههههه
صرت اناديه علطول يجي لعندي ,

كمان صار يتكلم , ويغني , ويبكي ويضحك وينادي اسمه , ويلحن الكلمات مرررره جمممميييييل < ماشاءالله ,

مره كان ع يدي بالحوش وابي ادخله القفص طاح القفص وطار ع الارض , وجات بسه طايره , وكانت تبي تاكله , المهمم ببغائي طار
جناحه مقصوص ماقدر يطير عالي طاح ع الارض وتضارب مع البسه , كان في حوش جيراننا والحمدلله طلعت انا وبابي ولحقنا عليه , كان مرررررررره خاااايف ,
جلست متعلق بيدي ورفض ينزل او يروح اي مكان كان حتى بالقفص خايف ومايتحرك كثير , وبعدها بيومين الحمدلله رجع لنشاطه ونسى السالفه ~


الببغاءات جدا جميله ومسليه ~

المهم وقت تربيتها نصبر عليها , ومانخاف منها ابد , < لما يبي يعضني اتعمد ادخل يدي بفمه عشان يعضها ببعدها يعض وما يلقى نتيجه ف يوقف العض , ما صرت اخاف الحمدلله ~

كمان حابه اشكركم ع نصايحكم وتوجيهاتكم لي , مره افادتني , ببغائي اعامله كأنه طفل لي

ومرره تعلقت فيه ,


سوري طولت عليكم , بس حبيت اقولكم تجربتي واتمنى تستفيدون , يمكن فيه اشياء غلط بس بالنهايه الحمدلله دربته تمام ,

المهم الصبر ,

شكككرررا لكم