ابو بتال و غجريه ، الله يعطيكم الف عافيه والله يزيدكم علم في هوياتكم بما يرضي ربنا
بعد كلامكم صراحه تغير الانطباع الي اعتدقته عن ذي الهوايه
فرحت سوق الطيور في جنوب جده وجلست اتفرج شفت الاقفاص واحجامها بعضها فيه مكان لطيرين وبعضها لطير واحد ولاحضت هيا خاصه للبغبغاء ما ينفع احشرو بقفص صغير يعني وطبعا الانواع ماشاءالله كثيره الافريقي فيه منو صيد وفيه غيني والله اعلم اذا فهمت غلط والامزوني كمان انواع درجات قلي بلو فرونتيد ودبل هيد والكاكاتو جدا مرجوج لاحضتو بالقفص ( دي ملاحضتي طبعا بس شفتو ينفش راسهو ويدق رقبه ممتع الصراحه بس مزعج باين عليه فما اقدر اتحمله ) وفي بغبغان لون اسود صراحه سبحان الخالق معجزه جدا جميل والمكاو كمان قولدن بلو والاخضر والكاترينا ( الكاترينا طبعا شفتو بواحت الحيوان لانو احتجت اغراض للعري وصدمني لمن قال 13 الف ريال )
ع العموم انا تراجعت اشتري بغبغان حتا اتاكد من قدرتي في استيعابها ( في دي الفتره طبعا حكما لجهلي فيها وخساره فلوس ). فالله يعينكم تحملوني لانو راح اسال كثير الله يكتبلكم اجر الجواب
في انواع لفتت انتباهي
الكاكاتو ماقلا
الكاسكو الافريقي
الامازوني
والمكاو
الفرق في التربيه نسبه ازعاجها وقدرتها للفهم والشي الجديد الي تعلمته نفسيتها لو غبت بمعدل يومي8 ساعات وهل لو سافرت واختها معايا خطر عليها او في استراتيجيه معينه استخدمها
وشكرا لكم جزيل الشكر