[بنت فله الدنيا بدونها عله]

السلام عليكم ورحمه الله وبركاته

وانا اليوم جايبه لكم بعض الاشعار عن الخيول وان شاء الله تعجبكم

شاقني شوف الحصان اليعربي
لنه اجمل خيل من بد الخيول
مايقارن به مهجن واجنبي
ياحلو خيل الصحابه والرسول
امتدحها الله ومجدها النبي
وفارس بذاك الزمن فيها يصول
لا لمحت الخيل مسيت شنبي
والكدر والضيق عن بالي يزول
يالسان اهرج ويايد اكتبي
وصفي اللي ياعسى يلقى قبول
ودي اكتب بالخيول اللي ابي
حبها يفرض علي ابدع واقول
كن راس اليعربي راس الضبي
والعيون وساع بارقها يهول
وجبهته ميدان واذنيه طلبي
كنها بشخوصها العود النحول
والمناخر والصدر مينا دبي
والظهر عن متر ما يمكن يطول
والحوافر مستديره لولبي
وذيله المرفوع يختال ويجول
وان رقص مايقهره تل الصبي
وان وقف يازين وقفاته ملول
رافعن راسه كما الشهم الابي
أو كما الطربان لا سمع الطبول
وان بغيته للختل جاك يحبي
بالحساسه كنه الطيرالجفول
بالوفا ماحدن يجاريه يهبي
حبه لراعيه اشد من الذلول
لجل عينه قامت حروب وسبي
ومن جهل بالخيل بالدنيا جهول
ذا كلام اللي يحب اليعربي
لنه افضل خيل من بد الخيول


_________________________________


الخيل ذكرهن الله في كتابه والخيل عون في يوم النهار نهارة



الـــــخيل ديمه للفخر جيابه ويجـــلن عن القلب العليل اكداره



الـــــــــخيل تحرن يوم تلاقة العرب والطليان وسط اغباره



علي الخيل يدعس البنداق في غنداقه وين ما صهل تفخر بكل جدارة



الخيل عقب العدو يكر اخيابة بلا دبابه روح يشكي الضيم ادياره



الخيل للفارس دوم اسناده والفارس الملهاد ايجيب اخباره

__________________________________________________ ____


نها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها

________________________________


خيل الفكر مضماره
فوق السما له شاره
أطلق عنانه ودنا
لى لايشق اغباره
خويه برج الجوزاء
والجدي سابع جاره
وسط السما له كوكب
فالمشتري وقماره
شاعر وفكري قومي
والشعر خذت ابثاره
وعلى اشعراء ذالعالم
خط العقل فرجاره
أجدن يفوح ابمسكه
مع جملة العطاره
وحدن يجود ابكيره
وبقفاك ينفخ كاره
والشعر لج وغبه
والصيد به بغزاره
يريت بده وبلده
وردعت له ميداره
صابر ونلت الكايد
والصبر كلت بزاره
أذوق طعمه حالي
دام المعزه فناره
وناصر يصيح امعنا
يشكي الهوى وسراره
مثل الزعيم الكوبي
ونا شرى جيفاره
غرنا فليلن عسعس
على العدو فدياره
وي حبيُيبي يالغالي
وين السحب ومطاره
ل يكون يتبع طيفك
قلي وهات أخباره
هم في ربوعه حلًَُِلو
ولا جدى محضاره
من ذالذي يتنشد
يلفي ويزف بشاره

____________________________________________



المهره اللي عرضت للرجاجيل
يابخت منهو يالنشاما عسفها


خيالها يوم العنا والغرابيل
يمسح نحرها قبل يلكد طرفها


في وصفها غنت جميع المواويل
والشاعر اللي في قصيده وصفها


عمر وصفها مثل وصف الهماليل
اللي تلوح بروقها من شغفها


اليا هذبت شفت التعاسه على الخيل
تطوي مسافات الخلا من ترفها


عليا سبيب يغار من وصفه الليل
إيذوب بين احضانها وبكنفها


واليا اخبطت امن العرق ميه النيل
جاها كحيلان الخيول وغرفها


الراس كنه شعلتن وسط قنديل
والمنخر الواسع دلايل سلفها


وعيونها تلمع مثل لمعه سهيل
واذانها سبحان منهو نصفها


والظهر كنه وادين جارفه سيل
وشيليلها يومي على من جرفها


بالكيلو تسابق مع الريح والميل
نوبٍ تخطف الريح ونوبٍ خطفها


تمشي اللدوح ومشيها طيح الحيل
والله واكبر للعيون وجحفها


ماترتع الا في كبار المداهيل
في روضتن خظرا مولي سعفها


مرباعها عند النشاما الحلاحيل
عيال ابن راشد مزبن شرفها


حمدانها يوم الوغى طلع دربيل
بظهر الكحيله والبنادق ردفها


واحمد ليا منه ثقل تالي الشيل
مثل القطن حمل الصعايب ندفها


عيال الزعيم اللي حرث جمه الجيل
محمد بن راشد ونعم لخلفها


راع الكفوف مكللات الاكاليل
عينه على دمع اليتيمه ذرفها


يمناه ماشحت فيوم البهاذيل
يمناه في يوم المصايب سرفها


وقصيدتي ماهي بحاجه لتحليل
مانشيتها واضح وكلن عرفها


عن مهرتن تسوى العيون المظاليل
والله نكرها اشهد انه لقفها


ياليتها عندي وادوج بزعبيل
وهي تحمل كل شخصن كرفها


بس الفقر خله جميع الولاويل
تظرب على راسي وزود علفها

هذا اول موضوع لي في هذا القسم
واستناردودكم