[عشق طفولي]

السلام عليكم

كح كح

من عشق تربية البلابل ل جنون الفيشر والروز
وهالمره تجربة جديدة مع الامازون

ياليت تفيدوني ب هالنقاط

الامازون الا عندي اللي يتميز باللون الاخضر عاد ماعرف شيسمونه
وماله صار له ثلاث ايام عندي
على كلام راعيه عمره سنه وكم شهر
ويتكلم ( فطوم - افضل الصلاة والسلام عليك ياحبيب الله محمد كلللبوووش )؟
ويوقف على الايد وينزل راسه في حال انطلب منه


المشكله من جاء ونور بيتنا صار اخرس خخخخخخ
ادري بحكم انه مكان جديد ويبي له يتعود
وجالسين نحاول معاه
طبعنا حاولنا ان احنا انطلعه برا القفص وبعد محاولات طلع معانا
يوقف على اليد بس سرعان مايرجع لقفصه
واحيان نفتح له باب القفص ويطلع لحاله
يطلع صوت وكأنه معصب وخصوصا اذا طفلتي قربت منه
واحسه مو طايقها وهي شحليلها مجننتنه
ويعض لكن عضته خفيفه
واحاول امسح على راسه مو راضي نهائيا
بس امس جاء من نفسه جنب مكاني وهو داخل القفص ومد راسه
ومسحت عليه واحسه استانس
جيت اكرر الحركة اليوم عصب :

ياليت تفيدوني شلون اتعامل معاه ومايخاف
وشلون اخليه يتطمن لي ويجي عادي بدون مايعصب
فيدوني بأي شي من نصايح بحكم ان مربيين جدد ل الامازون

اشوفه يحك واجد ف جسمه وينزل قشرة بيضا
طول اليوم وهذا حاله
هل يبدل ريش والا يبي يسبح ؟

ونقطة اخيره
الاكل ماله الحب احسه يفسفس فيه ويرميه بدون ماياكله
او يرميه واهو مثل ماهو
هل هذا طبيعي