[السادات]

السلام عليكم ورحمة الله وبركاته

اولا كل عام وانتم بخير

وموضوعي مع الجيرمن صار من غير قصد ولكن ما دري شو الحل

المشكلة اني انتقلت من بيتي الى بيت جديد وخلال انتقالي خليت الكلبة مع الحارس اللي في البيت لفترة شهرين

المهم ان هذا الحارس خرب اخلاق الكلبة بالمرة

الحين كله اتريد تطلع خارج البيت

وصارت اتسوي حاجته في كل مكان مع اني كنت معودها انها تقضاها في مكان خارج البيت القديم

الشي الثاني انها اتعودت على هذا الحارس

واللي انا اريدها انها ما تتعود الا على افراد الاسرة فقط

وبعد لاحضت انها من اتشوفني او اي حد من العائلة تقفز عليه واتحط ايديها على صدره يعني توقف متسنده على الشخص

مع العلم بان عمرها تقريبا 8 اشهر

بس الزين فيها اذا شافت حد غريب تنبح عليه حتى يوم امشيها خارج البيت واتشوف حد تنبح

اللي اريد اعرفه هل ممن الممكن انها تتعدل سلوكياتها

وهل ممن الممكن ان الحارس تتعامل معاه مثل الغريب ولا خلاص بيتم الحارس معروف الها وما اتقوله شي

ارجو الافادة مشكورين

وجزاكم الله خير