●|[ كَيفْ تُربّى السَحْاليُ ؟ِ ]|●
تربية السحالي سهله عكس ما البعض يعتقد لكن تحتاج إهمتام منك شوي و مراعاة لها و دائماً يحبون الحركه و شي مميز يتربى معاك و منها الأليف و منها المفترس .
شنو أفضل نوع يتربى ؟
من أفضل الأنواع الاليفه الي تتربى عندنا هي الإغوانا الخضراء او الحرباء ، و لو كنت من محبين الزواحف المفترسين فعندك اولهم الورل ، و طبعاً الورل الي منتشر عندنا هو ورل السافانا [ Savannah Monitor ]
أين يمكننا تربيتها ؟
تتربى في أحواض و ممكن أقفاص ، مع مراعاة ان مافي شي يجرح الزاحف الي موجود ، و المساحه تكون كبيره ، لكن بعض الأنواع تحتاج رطوبه معينه و هالشي نتكلم فيه بعدين ، فبتكون مضطر تربيها بحوض لحفظ الرطوبه أو ان الغرفه تكون كلها رطبه لو ان الغرفه مخصصه للزواحف .
ما هي أرضية الحوض ؟
لو بتختارون شي سهل ممكن يكون زرع صناعي نفس الي بالملاعب بالنسبه للأنواع الي تحتاج رطوبه ، و ممكن تربه زراعيه ، اما نشارة الخشب ما تنفع لأن مع الرطوبه راح تكون بيئه مناسبه للبكتريا و ممكن تمرض الي عندك ، و بالنسبه للورل ممكن تراب نظيف او الحصى الصغار الناعمين و ممكن نشارة خشب ..
نحتاج وضع ديكورات ؟
الديكورات تكون عباره عن عن شوية أغصان و احجار مافيها اي أجزاء حاده ,,
و درجات الحراره و الرطوبه ؟
هذا شي يرجع للحيوان الي عندك ، لكن الأغلب يعيشون في درجة حراره 28 و رطوبه تقريباً 70% مثل الإغوانا او الليبرد غيكو لكن انواع ما تحتاج رطوبه و تحتاج درجات حراره عاليه مثل الضب او البيردد دراجون ..
كيف نحكم بدرجة الحراره او الرطوبه ؟
أول شي يعمتد عالنوع لا تنسون ، لكن بشكل مختصر طرق التدفئه تعتمد عليك انت ، انت وين مربيهم و شنو الأشياء الي تقدر تستخدمها افضل مصدر الي هو الإضاءه لكن ممكن تستخدم دفايات عاديه ، يعني تدفي الغرفه كلها ، بالنسبه للرطوبه ممكن انك ترش ماي برشاش الماي او انك تسلط الإضاءه على ماعون الماي و مع التبخر راح يوفر الرطوبه .
و الأكل ؟
في الأنواع الأليفه كمثال الإغوانا تتغذى عالخضروات و الفواكه و في مثلاً الحرباء و الليبرد غيكو و البيردد دراجون و غيرهم يتغذون عالحشرات مثل الدود او الخنافس او الصراصير ، و البعض المفترس كالورل ياكل فيران و ممكن سمك و ممكن بيض و لو كبر ممكن ياكل ارنب .
هذا بإختصار تربيتهم ، و الي محتاج شي ما انذكر تقدر تسأل =)
التعديل الأخير تم بواسطة : TERMINAL 24 بتاريخ 12-06-2013 الساعة 07:33 PM.
السبب: التنسيق
|