|
رد: سؤال بخصوص الصديد فى لبن عند دلميشن
اقتباس:
المشاركة الأصلية كتبت بواسطة عاشق الكلاب و القطط
اهلا اخوي
هذا موضوع عن المرض
هنتكلم انهارده عن الصديد ف لبن الام ازاي بيجي و ايه طريقه علاجه وطرق الاصابه بيه
مبدأيا هنقول ان الصديد هو مرض او التهاب بيجي ف صدر الكلبه اللي بترضع بيحول لون اللبن للاصفر و بسببه كل المواد المفيده ف اللبن الجرو مش بيستفيد بيها ..
اكتشف ازاي ان الكلبه عندها صديد
هتجيب قطنه و تعصر صدر الكلبه و تشوف لون القطنه لو تحول للاصفر ولا هيفضل ابيض لو اتحول اصفر يبقي عندها صديد
طيب ايه سببه للكلب ؟
سببه ميكروب بيصيب غدد اللبن
وبيصيب الكلب ازاي .. ليه طريقتين ف الدخول لجسم الكلبه
اما جوه الجسم عن طريق السريان ف الدم و ده نادر الحدوث ومش وارد بيبقي عن طريق ذكر مصاب بصديد ف العضو التناسلي ف الغالب ..
الطريقه التانيه وهي اللي بتحصل كتير وهي
الدخول من الخارج عن طريق الحلمات طيب بيحصل ازاي ؟؟
كل واحد عنده كلبه قربت تولد بيكشف علي الحلمات كل شويه طول فترات الحمل
ده بيأدي لاتساع فتحات الحلمات وممكن يدخل ميكروب من ايدك او من البيئه المحيطه
وطبعا الكلبه هتقعد علي الارض وهيتلوث اكتر ...
طيب ايه مشاكل الصديد ؟
الصديد ف حد زاته مش مشكله كبيره ومش بيجي ف كل الحلمات يعني ممكن يجي ف حلمه واحده ساعتها بنقفلها ببلاستر و نسيب باقي الحلمات يرضع منها الجراوي
الطبيعي انك هتقفل كل الحلمات لو الصديد ف كل الحلمات ببلاستر و ترضع صناعي كل ساعتين 5 سم لبن رويال كانين للجرو الواحد والجرعه بتزيد مع السن
العلاج الامثل
هتاخد عينه نضيفه ومعقمه من اللبن ياخدها دكتور او اخصائي تحاليل لان ليها طريقه خاصه علشان التحليل ينجح
تعمل اختبار اسمه مزرعه حساسيه ومنها بنحدد المضاد الحيوي الامثل للعلاج والاسرع
وحسب نوع المضاد الحيوي في انواع بتستخدم في الحمل
وانواع لازم تصبر للولاده بعدها تستخدمه
وطبعا وقتها هنمنع الرضاعه 4 ايام علي الاقل
وترضع صناعي
يفضل قبل دخول الحيض او بعد الفطام بتاخد العينه وتبدأ العلاج بكورس مكثف بناء علي التحاليل ده ف حاله التأكد انها عندها صديد والتهاب الغدد مش مجرد لون اصفر يبقي صديد
لبن السرسوب الطبيعي لونه مابين الاصفر شفاف و او ابيض مائل للصفار
ويرجي استشارة البيطري
|
شكراً يا اخى
لاكن انا عايز اقول كلام دة انا قريتها من فيس بوك انها منقولة
لاكن انا عايز توضيح اكتر
هل هيستمر مع ولادة اللى جاى ؟
|