[bahzad_76]

تحية طيبة لكل محبي الببغاوات

طبعا قصتي تبدأ مع كاسكو نص وحشي مو اليف كثير بس حسنته انو ما يعض بس كان عند جعير الله يرحم وكنت ما اقدر اقرب منو لصوته المزعج واحاول ادربه بس بسبب صوته اصدع وابطل تدريب المهم في يوم كان الوقت صباح وديت الكاسكو على الحديقة وكان عندي بالحديقة شجرة رمان فقمت وقطفت رمانه من الشجرة وانطيت الحب للكاسكو والرمانه كانت حامضة ما ناضجة زين اكل الكاسكو حب الرمان ودخلته للمنزل وطلعت السوق بالظهر جيت وحبيت اسلم عل الكاسكو ( مشتاق للجعير ) ومريت قرب القفص لا حظت انو الببغاء ما جعر اندهشت رجعت خطوتين وباوعت عل الكاسكو شفت فاتح فمه يحاول يجعر ما يكدر ويطلع صوت مثل ححححححح خفت هوايه وكلت انو الكاسكو اكيد بالع شي وراح يختنق بيه رفعت القفص وباوعت عليه وشفت بقايا حب الرمان الي كنت منطيه الصبح فكرت شويه وفجاة انفجرت من الضحك تعرفون اش صار ؟؟؟ الكاسكو انبح صوتو لانو الرمانه كانت حامضة و صار مايكدر يجعر لمدة اسبوع كامل وطبعا عاد الهدوء للمنزل وكدرت خلال ذلك الاسبوع اني اقترب منو واشيله وادربه من غير ازعاج .. طبعا بعد اسبوع عاد الو الصوت بس كان الكاسكو صار اليف وماعاد يجعر واخذتو عل السوق وبعته وربحت منو مبلغ زين والحمد لله