|
رد: طارئ جدا (قطتي الصغيره مصابه بالفطريات وحالتها سيئه جدا)
ياربى ايه ده !! القطه متبهدله جدا جاد حقيقى شكلها يحزن والله
اول حاجه علاج الفطريات لازم تعرف انه عايزله اهتمام وانتظام ومع الانتظام صدقنى بيكون سهل جدا وان شاء الله هتخف بسرعه
الفطريات اول حاجه هتعملها تحميها بشامبو نيزورال او فافو وتنشفها كويس جدا جدا
بعدين هتهدن الاماكن المصابه بالبيتادين وخمس دقايق وتدهن مرهم اسمه بنزانيل او لامزيل او ديكتارين
الى متوفر عندك اشتريه وانا ارشحلك البنزانيل لان مفعوله اقوى من التانيين
الاستحمام هيكون مرتين فى الاسبوع طبعا بالشامبو الى قولنا عليه
والمرهم والبيتادين مرتين فى اليوم
وبالنسبه للعث الى داخل الاذن هتنضفها كويس بمحلول واكسول
وبعدين تقطرفيها من قطره ديترمايتين لاذن
القطه مريضه جدا حقيقى ومحتاجه عنايه مكثفه
والافضل تخليها فى غرفه لحد ماتخف ووانت بتعالجها البس فى ايدك جوانتى عشان العدوى
وخلى مكانها دايما نضيف ومعقم بالديتول
وعرضها الصبح للشمس لمده ربع ساعه
والعلاج الى كتبتهولك من الصيدليه البشريه
واكيد اكلها وحركتها ضعيفهه من الى هى فيه
وياريت تشوف عندها ديدان او لا متوقعه يكون عندها ديدان
وربنا يجزاك خير على اعتنائك بيها ويكون فى ميزان حساناتك ان شاء الله
|