|
رد: البادجي لا اعلم ماذا حدث له
السلام عليكم
في الغالب طيورك تعرضت لهجوم من طيور تانية إنتبه من الغربان
أنا سبق وصار معايا نفس الشيء طبعاً الموقف هدا كان زمان وكنت بعمر ماخطر في بالي ممكن يصير كدا
كنت منزله طيوري تتشمس في البلكونه وروحت عنها ولمن جيت عساس أدخلها
لقيت ريش ودم في كل مكان ولقيت الدكر مرعوب أما الأنثى الغراب سحبها من بين حديد القفص بعد ماتقوس
وكان مقطعها عساس يشيلها بدفعات أتوقع لأني بس دخلت وأستنيت عند الشباك لقيتو رجع للباقي
ودا شيء يخليك تفكر في قوة منقار دا الطائر طبعاً دا الدرس كان صعب مرا عليا لأنو كلفني طائر
بس تعلمت بعدها ماشمس طيوري إلا وأنا جالسة عندها عشان أتاكد مايتكرر نفس الشيء معايا
دحين لازم تفحص طيورك عشان تعرف أماكن الإصابات وعمقها لوإصابات عميقة مرا لازم طبيب بيطري
أما لوإصابات طفيفه لازم تعقم الجروح بالبيتادين وتهتم بنظافة القفص عشان الجروح ماتتلوث وتصير مضاعفات
كمان لازم توفر الهدوء لطيورك وماتزعجهم وحركتك تكون خفيفة وإنته بتشيل أو تحط الأكل لأنو بيكونوا لسه خايفين
والتشميس يكون الصباح أو العصرية الشمس تكون باردة ومفيدة بعكس شمس الظهر القوية
وألف سلامة لطيورك
__________________
سبحــان الله وبحمده سبحــان الله العظيم
شكراً " رونق حجازيه " على التصاميم الحلوة ♡♡
|