[غجرية]

المشاركة الأصلية كتبت بواسطة Pierre

نفس مشكلتي رغم ان الي عندي مربيه من عمر اسبوع او عشرة ايام بس ما كنت امسح عليه وقت غره ولا اطلعه ، كنت اشوفه يروح يتخبى بعد مايشبع ووقتها كنا بفصل البرد وقلت امكن بردان وخفت عليه لان قبلها بفتره بسيطه مات عندي فرخ روز بسبة البرد ، والحين اعتقد كمل الاربعة شهور من عمره ويعض لاجيت امسح عليه ، اما اذا جيت اشيله ف ياساتر يقلبها جغير غير طبيعي ومنقاره ينقلب ويصبح زرادية ، المشكلة انه يجي الحين ويلصق فيني وانا اخليه يبعد وهو مصر يجي ويطلع ع الكتف او راسي بس يجلس ينبش بمنقاره وهذي صارت عاده له والمشكلة الاكبر ماعودته ع القفص والحين يشوفه مثل السجن الانفرادي ، وكل الاشياء هذي تعتبر غلطات مني كان سهل تفاديها لو حسبت حسابها في البداية واحسنت التصرف من اوله بدل التطنيش وتسويفه

اهلين اخي
انا اتوقع انه كل الفروخ تحب تطلع على الكتف والراس وتنبش وتعض
انا عندي فرخ دره عمره 3 شهور امسح عليه ويطلع على ايدي ومجرد يطلع على اليد يطلع لين الكتف ويجلس يعضعض في ملابسي وينبش بشعري ولو قدر يطلع على راسي ما يقصر واظن العض يحاول يستكشف وليس المهاجمه
واحيان هو جالس على كتفي لو جيت اتغدى يفتح منقاره ويقترب يريد ياكل معاي
وفرخي كمان غصب ادخله القفص وقت النوم وعضعض اصابعي على شان يبقى متعلق بيدي وما يدخل القفص
انا مشكلتي مع الدره الكبيره ما تسمحلي امسح عليها في البدايه كانت تعض وعض الله يستر احيان اظل احس بالم مكان العضه اسبوع الحين لا ماتعض لكن ترتعب وتهرب مني لو جيت امسح عليها وجربت كثير طرق
لف المنشفه...اشغلها بيد وامسح باليد الثانيه..اجوعها واحاول امسح وانا اوكلها.. لكن ما نجحت ولا طريقه للان
الحين امسك الحب بين اصابعي واحاول ما اعطيها الحبه لين امسح ولو مسحه صغيره على منقارها لكن ترتعب وتترك الحبه وتهرب وترفض انها تاكل
وما ادري ايش الحل
اتمنى احد الخبراء يفيدنا
بالتوفيق مع فرخك