[mrs.emo]

السلام عليكم أعضاء منتدى تو زوو
أنا حابه أعرض مشكلتي مع قططتي وطريقة الحل لإني لمن قريت مواضيع المنتدى لقيت أكثر الأعضاء تواجهم مشاكل صحيه مع قططتهم وما يعرفوا كيف يعالجوها وماعندهم دكتور أو مستشفى بيطريه قريبه يروحولها أو ظروفهم ماتسمح وحال القطط يحزن
فإنشاء الله يستافدوا مربي القطط من موضوعي ...



أول شي هأتكلم عن المرض وكيف أكتشفته ...
طبعا كل مربي القطط لازم يمشطوا شعر قططهم عشان يحافظوا عليه من التكتل والعقد وأنا بأمشط شعر قططتي أكتشفت منطقه عندها في جسمها مدوره مافيها شعر وفيها قشوور ومحمره ودايم تاكلها وتحكها أنا صورتها عشان تعرفوا شكل المرض أكثر

من بعيد شكلها هيكون كده



ومن قريب



بعد كده رحت لمستشفى بيطريه وعرضتها على الدكتور وقالي هذي عباره عن فطريات تصيب القطط خاصة ذوات الشعر الطويل يقول إن أجسامهم ممكن تربي بيض الفطريات لمده طويله ممكن سنه أو سنتين داخل شعرها وفجأه تظهر زي ما شفتو في الصور

كتبلي على دوا أعطيها هوا مع الأكل هوى عباره عن حبوب وقالي أفك الحبه وأقسم البودره إلي جوتها أرباع كل يوم تاخد ربع من الدوى أرشلها هوى فوق أكلها


وهذا صورة الدوى

[IMG][/IMG]

[IMG][/IMG]

[IMG][/IMG]

تاخذو البودره إلي داخل الحبه وتقسمو أرباع كل يوم ربع

[IMG][/IMG]

وبعدين رحنا لمحل خاص بالحيوانات إسمه (( واحة الحيوان )) برضو هناك في دكتور بيطري ووريناه مشكلة قططتي وحكيناه إيش سوينا في المستشفى وإيش قلنا الدكتور فوصفلنا هوى كمان على طريقه علاج تانيه وهي عباره عن

ندهن البقع أو المناطق إلي فيها الفطريات إلي في جسم القطه
بقطنه وصبغة اليود

[IMG][/IMG]

[IMG][/IMG]


وبعدين نحط كريم وصفلنا هوى إسمه (( LamisiL ))

وهذي صورة الكريم

[IMG][/IMG]

[IMG][/IMG]

وأنا بأعالجها بالطريقتين وبدأت تتحسن الحمد لله وإنشاء الله مع دعواتكم لها يشفيلي هيا ربي في القريب العاجل
وإنشاء الله كل من واجهته نفس المشكله يستفاد وأنا ما كتبت الموضوع إلا وأنا متأكده ومطمنه من الوصفات والأدويه لإنها بإستشارة دكاتره بيطريين وبدأت بعلاج قططتي روزه
أتمنى يكون شرحي واضح

لا تنسوا أدعولها ...