[سكر]

المشاركة الأصلية كتبت بواسطة كاسكو1

والله ما قصرت يا سكر والله يكثر من امثالك

الله يسعدك كاسكو ويجزاك خير

المشاركة الأصلية كتبت بواسطة عبود القبوط

وربي أنك فنااااان
ماشاء الله عليك
الله يوفقك

تسلملي عبود على التعليق يا قمر

المشاركة الأصلية كتبت بواسطة أم صوفي

ماشاء الله عليك

أستاذ سكر

<< شرايك تاخذ اللي عندي

بالتوفيق يااارب

أم صوفي وشفيك مستعجله هههههه احمد حمادة من ثلاث شهور ونص وهو يعاني عشان كذا قلت له يجيبه.
انتي لسى ما كملتي حتى اسبوع, اصبري شوي وحاولي, واذا ما نفع ابشري بس بعد ما تحاولي 3 أشهر , لأنك يمكن ببساطة تروضيه وتكسبي خبرة أفضل بنفسك.

المشاركة الأصلية كتبت بواسطة فتفوته

ما شاءالله عليك
الله يوفقك ويجي من يخدمك بوقت الشدة

زوجتي تقول ردك أروع رد <<< قلتلها صح, وقرصتني قرصة على كيف كيفك.

المشاركة الأصلية كتبت بواسطة احمدحماده

والله يعجز اللسان عن التعبير صراحه ماشالله عليك . انا توقعت انك بتقدر لكن ماتوقعت بهذه السرعه بس من يوم ماشفتك عرفت انك رجل بروفيشنال
وانت شفتني يوم اعطيك اياه كنت يائس منه . انا قلت اذا ماضبط هالمره بسوي عليه كبسه

بصراحه احرجتني عند الاعضاء. ليتك رافع الصور بعد اسبوع على الاقل مو يوم واحد بس

وريت الصور للاهل في البيت مومصدقيين انه نفس الببغاء اللي عطيتك اياه امس بس الفيديو ماشتغل على الجهاز وحاولت اغير امتداد المقطع وبرضو ماشتغل يمكن فيه مشكله

انت سألتني عن اسم الببغاء وبصراحه ابوالشباب ماعطاني فرصه اني اتعرف عليه

وانا تاركلك الخيار عشان تسميه وانت واللي يعجبك

عموما حبيبي مشكور وانت كسبت التحدي قدام الاعضاء الكرام

ويعطيك الف الف عافيه يا قمر.

يا هلا فيك أخوي أحمد.

أولاً أبغاك تعرف انك انت قدمت لي خدمة لما جبتلي الطير.
لأني فعلاً كنت محتاج أثبت بعض الأشياء للمربين من هواة ومحترفين.
مثل فكرة انه من الصعب ترويض الببغاء الكبير في العمر.
ومثل أسباب فشل الترويض, مو دائماً المشكلة في الببغاء نفسه.
أكثر حالات التمرد تكون بسبب شي بسيط مثل البيئة المحيطة بالطائر.
عشان كذا كنت حريص اني ما أتأخر في رفع الصور, مع اني مسخن ومزكم وحالتي حالة.

اللي صار مع ببغائك

1- تغيرت البيئة , وانتقل الى بيتي مع الطيور اللي عندي, وبدأ يقتنع بفكرة اني صاحبه مو عدوه.
2- إزالة كل ما يتعلق بالماضي مثل القفص, لأن فيه ذكريات ممكن تكون سيئة.
3- وضعه على ستاند يوقف عليه بدل القفص, لأنه في القفص يشعر بدفاعية أكبر, وبالتالي يرفض الانصياع.
4- قص ريش أجنحته, لأنه دائماً يسعى للهرب بواسطتها وهو مدرك مدى فاعلية الأجنحة, واذا قصيناها وتركناه يحاول الطيران أكثر من مرة حتى يكتشف ان هذي الوسيلة غير متوفرة, هذاك الوقت يكون أمام الأمر الواقع ويبدأ ييأس من الهرب.
5- اهمال التجعير, وعدم الإلتفات اليه, يعني اذا جعر, قرب منه واعتبره موسيقى, وكل ما زاد تجعيره قرب أكثر وانت مستمتع, واذا سكت روح من عنده, بهذي الطريقة يفهم ان التجعير معناه تعال قرب مني, وان الطريقة الوحيدة للخلاص هي السكوت.

في الأخير أحب أأكد على ان التوفيق بيد الله عز وجل.
ولو جبتلي ببغاء آخر يمكن أجلس شهور طويلة ولا أقدر أروضه.


بالنسبة للفيديو برسله لك بلوتوث لما نتقابل ان شاء الله.

أما الأسم كنت محتار ايش اناديه صرت أقوله (صديق) << هندي

على فكرة أهم نقطة الحين انه صار يطلع على اليد واذا تبغى تمد له عصاية قول له اطلع يطلع على طول.
ماشاء الله عليه باين انه ذكي, لا تفرط فيه وربي يبارك لك فيه ويعينك على تربيته.
طلوعه على اليد أخذ نصف ساعه فقط وأتقنها.

تحياتي