[عازف الكيبورد]

الســـــــــــــــؤال::

السلام عليكم جميعا........
ببغاي الافريقي ماياكل الا حب شمسي جربت عطيته ذرة نيه ماياكلها والسبال يلعب فيه يكسره ويرميه يعني معقولة طول عمره مايعيش الا على الحب الشمسي .....عادي اعطيه ذرة مسلوقة ؟؟ وغيرها

الجــــــــــــــــــــــــواب ::

والله الببغاء الافريقي ياكل حاجات كثيرة ,,,
فول سوداني وحاجات ثانية ,,,

بس الاكل الرئيسي هو حب الشميسي ...
زي الرز بالنسبة للصينيين واليبانيين
واما عن الذرة .. ..
من الاسباب الي تخلي الافارقة يبغضون الببغاوات ... انها كانت تهاجم محاصيل ومزارع الذرة !!
يعني تقدر تاكلها وهي نية ...
لاكن الافضل تقديمها مسلوقه زي ماتفضلت ... (عشان تاكل نصها قبل ماتعطيه )
او شراء علبة (حبوب الذرة المطبوخة) تحصلها معلبة في الجمعيات برضة ممكن ياكلها ...
وسلامتك يالغالي ..

تحية
الطاير
=================================
اخوي لا تقلق

بداية الأمر الطير يقطع الأكل ويرمية على الأرض
ولكن مع المره الثانية او الثالثة راح يسير بأفضل صورة
الذره تفوح في الماء وتقدم وقبل ذالك تأكد برودها من الحرارة
ملاحظة: البغبغاوات بشكل عام >>> مثلاً قطعة العنب يقوم بتقطيعها ويتلذذ منها ويأكل منها القليل والبقية يرميه على الأرض وهذا بعد بيحصل مع أغلب الوجبات يعني لاتقول لازم ياكل الوجبة كلها مثل الحب الشمسي وطيرك لما يقطع الذره ويرميه اكثره على الأرض اكيد أكل منه قليل
ومثل ما ذكرت لك مع تعويد الطير على الوجبات راح يقلل من الرمي على الأرض وهضمها بالكامل على حسب الجوع والحاجه

تحية


الســـــــــــــــؤال::
انا عندي كاسكو واعاني من مشكله
وانتوا اهل الخبرة وياريت انكم اتفيدوني
مشكلتي الله يسلمكم هي ان الطير ماياكل من يدي واناجرب اني ايوعه بس مافي فايده واذا خذة يقطه
وياريت لوحد يعلمني شلوون اخليه هوو بنفسه يركب علي يدي
الجــــــــــــــــــــــــواب ::

اولا لا تستعجل بما انه يأخذ الاكل من يدك ثم يرميه
فهو خائف فقط
حاول ان تعطيه الاكل و انت في مستوي منخفض اي ان
الطائر يكون في مكان اعلى منك
و يمكنك منع الاكلات المفضله لديه الا عن طريق يدك
اما التجويع فله اصول و تجويع الطائر يوم او يومين فهو تعذيب للطائر
و الله سوف يحاسبنا عليه فأرجو ان تتذكر ذلك


الســـــــــــــــؤال::

موضوع مفهوم من العنوان

انا عندي ببغاء رمادي شريناه من سنتين تقريبا او اكثر

هو بيتكلم وما علامه شئ بس المشكله انه بعض !!!

حتى لو كنت بعطيه اكل !!

شسوي له عشان يترك هذي العادة؟؟

الجــــــــــــــــــــــــواب ::

السبب هو لم يتم ترويض الطير منذ الصغر
والآن عمره سنتين راح يكون التدريب أصعب ومجهود أكبر
الحل:
اخراج الطير خارج القفص او على ستاند (مجثم )
محاولة تقديم الطعام باليد
البدأ بتجربة المسح من الأرجل فما فوق ولكن توقع العض شيئ طبيعي ويجب التحمل
عدم الخوف وابعاد اليد في حالة العض بسرعة تلفت نظر الطير
إستخدام طريقة العسل جيدة في هذا العمر
أهم شيئ الجرئة وعدم الخوف وان لم يتم توفر المذكور دعوا العمل لخبير ترويض
ولكن ليس بالعنف او بالضرب فهذه تنتج سلبيات أكثر من الإيجابيات
يعني ان استخدم العنف في الترويض أقل شي راح يصير انه يصمت ويكف عن التغريد والكلام
نتيجة التعب النفسي

تحية وان شاء الله كلامي واضح ومفهوم


الســـــــــــــــؤال::

اليوم سيكو الحمدلله يصفر ويطلع اصوات ويرفرف وياكل ويتحرك كعادته
من شوي طلعته من القفص وجفت انفه فيه سائل وعرفت انه رجع له الزكام مع العلم اني اول مره صاده زكام ابوي خذه له مضاد حيوي وفيتامين بس مانفع
وثاني مره يوم السبت ابوي وده لبيطري ثاني وعطاه كبسوله وكل يوم احط له كبسوله بس ماادري ليش رجع الزكام؟؟
انزين اذا فيه منطقهمن ريشه عليها اكل ؟
بس ايصير اطلعه لانه مااعتقد بيقعد طول اليوم في القفص
الله يخليكم محتاجه مساعدتكم
الجــــــــــــــــــــــــواب ::

طبعاً الحل الاول يا عاشقة الطيور يجب عليكم زيارة الطبيب

ولنا البحث عن الأسباب !
الطير اللي فيه زكام يجب توفير التدفئة له قدر الإمكان بعيدً عن التيارارت الهوائية القوية
ويكفي هواء المروحه وبمستوى معقول يفي الغرض
لا يحتاج الى التحميم (السباحه)
عدم اللعب مع الطير وأتعابه
اخيراً ولاعتقد هناك إهمال منك في نظافة القفص +الأكل+الماء
مايجوف شر وان شاء الله يتشافى ويرجع مثل قبل وافضل

عموماً انا اقصد بمعنى آخر عدم اتعاب الطير وخروج الطير خارج القفص صحياً
يحتاج الى الخروج
لتحريك الأجنحه وممارسة الرياضة للجسم

تحية الى سيكو البطل
=================================
طبعا اخي كاسكو البحرين ما قصر
و لي ملاحظه مهمه جدا فطائرك مصاب ( بضعف مناعه ) اي انه يصاب
بالامراض بشكل سريع و علاج ذلك في يدك و سهل جدا لكن بعد مراجعه
البيطري طبعا
اولا
يجب اعطاء الطائر الفيتامينات 3 مرات اسبوعيا
ثانيا
التنويع الغذائي بشكل كبير و الاكثار من الفواكه فهني غنيه
بالفيتامينات
ثالثا
توفير جو معتدل للطائر بشكل دائم و عدم تعريض الطائر
للاجواء البارده و خاصه اجهزه التكيف فيجب تثبيت درجه
بروده التكيف على درجه لا تقل 27 درجه مؤيه و ان لا يكون
الطائر في مواجه اجهزه التكيف و
رابعا
و ضع 3 قطرات من الليمون في الماء بشكل شبه دائم
و اتمنى لطائرك الشفاء بأذن الله


الســـــــــــــــؤال::

أنا عندي مشكلة مع الطير ،أنه لما أطلعه وأقعد ألمس راسه أو أي مكان من جسمه يقوم

يقم يحك جسمه بطريقة مجنونة وينزل من جسمه زي القشرة الناشفة {كثيرة جدا جدا}
ولمن أعمق يدي في جسمه تطلع مادة زي البودرة................
فساعدوني أرجوكم.....................

الجــــــــــــــــــــــــواب ::


هذه فترة القلش (تبديل الريش) يعني لاتحاتي هذا شي طبيعي
روش الطير في الأسبوع مرتين او 3 مرات وتدريجياً راح تتخلص من هذه المشكلة
الطبيعية



الســـــــــــــــؤال::
البغبغاء الي عندي تعبت معه كثير المشكلة انه لايتكلم الا اذا كان وحداني راعي مزاج اغلب الوقت يصفر وينطق بعض الاسماء الي عندي في البيت بس المشكلة اذا جبته داخل البيت ماينطق ولا كلمة بس اطلعه في غرفة مجاوره اسمعه يتكلم واذا دخلت لايمكن ينطق كلمة واحده للعلم اغلب وش الحل معه بالاضافة انه يرفض اكل الفواكة مطلقاً وارحمه واعطيه الحب
السؤال الثاني وش افضل وسيله للعناية بريش وزيادته لانه قبل فترة نتف الكثير من ريشه
الجــــــــــــــــــــــــواب ::


هذه الأشياء الطبيعية التي تحدث مع جميع الطيور الغير متعودة سابقاً

طيب ماذكرت شنو نوع الطير اللي عندك ؟

كم عمره ؟

كم فترة وهو معاك ؟

الطير متعود من الصغر على وجبة الحب وبإمكانك التغلب على هذه المشكلة بتنويع الأكل
ارفع الأكل ساعة قبل تقديم الفواكه وشوف شنو تكون ردة فعل الطير وخبرنا
اخوي اذا انت متأكد ان الطير ينتف ريشة بنفسه فهذا للأسف يمر بحاله نفسية والسبب الأول
هو إهمال الطير وعدم الجلوس معه بوقت كافي أو هناك أسباب دفعته للنتف الريش
ننتظر إجاباتك ونحن بالخدمة



الســـــــــــــــؤال::

صاحبي اشترى ببغاء يبي يقلد
لانة استانس من ببغاء الي عندي
ورحت انا وياة واخذنالة ببغاء افريقي
بقيمة 2700ريال
وقعد عندة يمكن 3 شهور
وكل ما سالتة عنة قالي ما شي حالة وبعد الثلاث شهور جابة لي يبي يبيعة علي شفة الطير وكانة شبح
انا ما عرفتة
اشتريتة بالتقصيد من مكافاة الكلية
بس المشكلة اني كل ما دخلت ايدي يبي ينحاش من القفص واذا خرجتعه ما يعرفني له الحين شهر ونص ولا فية فايدة
رحت عند خوي وقلة وش سوية فيه
قال ما ادري اخواني الصغار عندة بس اخوانه مع احترامي له وحوش
فحسية الببغاء متعقد وش اسوي معة
رغم اني مربي اكثر من 11 ببغاء افريقي بس مامرت علي حالة زي كذا
فيدوني
في ذى الموضوع والموضوع الثاني
الجــــــــــــــــــــــــواب ::

شفت الطير كأنة شبح شنو المقصود ؟

على العموم اخوي الطير لابذ منه ان ياخذ راحته حتى يتأقلم مع الجو الجديد اللي هو فيه
مدة شهر ونص غير كافية ويكون في علمك ان الطيور فيها إختلاف كلي بين كل طير في مدة التأقلم
يعني بعض الطيور من أول أسبوع تلقاها صارت متأقلمة مع الأسرة او المربي الجديد وبعضها لا تحتاج الى حتى أكثر من 5 شهور

انا أنصحك ان تخلي الطير على راحته وحاول تفتح له القفص ويخرج ابنفسه بدون اي مضايقات منك
او ملاحتقه للخروج

طيب ممكن تخبرنا عن الطير ولو قليل من مواصفاته ؟

هل هو أليف؟
كم عمر الطير؟

بالتوفيق



الســـــــــــــــؤال::

مشكور اخوي كاسكو
كان الطير بصحة ممتازة
بس قصدي بكانة شبح
صار نحفان واي حركة تلفت انتباهه
الطير كان شبة اليف يعني يقرب راسة منك بس ما اقدر اقرب من باقي جسمة
يحتاج تدريب
والحين صار زي المتوحش
احيان يقرب راسة واحيان يصيح
وانالوحدى ما معي احد وبيتوتي
من الكلية للبيت وما اطلع الى اوقات الضرورة
الطير كان عمرة سنة وسبع شهور على كلام البائع لانة غير محجل

الجــــــــــــــــــــــــواب ::

من نا حية راحتة على راحتة لدرجة يطلع من القفص
يروح للباب ويقضم فية ومعي قطو
بس احسة مع القطو تمام يروح لة ويمر من حدة وما يسوي شي
الطير ذكر

من الطبيعي الطيور تكون ملتفته الى أي حركة أو صوت
حاول عدم الإستعجال وكن مع الطير بطيئ الحركة
عمر طيرك فوق السنة يعني بكون راسة يابس اشوي
بس مو مستحيل إنك تروضه وتخليه يكون أليف ولكن يحتاج منك اشوية صبر فقط

تحيتي لك واي سؤال إحنا بالخدمة