كوكاتو امبريلا سلفر كريستد
سلام عليكم يا اخوان
ان شاء الله تكونوا بخير.
اليوم كنت بسوق الطيور و لفت نظري كوكاتو سلفر كريستد و اللي لفتني اكثر الحاله اللي هو فيها و صاحبه للأسف الشديد هامله و مو سائل فيه لدرجه انه يبي يبيعه و يبي الفكه منه.
الغريب بالموضوع ان الكوكاتو على كلام صاحبه وحشي و ما يتكلم و قعدت ارقبه من بعيد فعلا نفس كلامه كل ما قرب عليه احد كان يصارخ و يجعر.
اكره شي فيني الفضول و حسيت هالكوكاتو كتحدي و لنفس الوقت شفقت عليه المهم و بدون ما طول السالفه رحت و شريته بنص ثمنه و الغريب اكثر اني من جبته البيت كوكاتو ولا جعره او صراخ هدوء تاااام.
تشجعت و طلعت من القفص و حطيت بقفص اكبر و فعلا نفس ما توقعت للأسف تعبان نفسيا و رح اخليكم مع الصور و بعدين نتناقش بالعلاج
![](http://uploads.tapatalk-cdn.com/20170107/b940d41df82026a446e40fad74e73b70.jpg)
![](http://uploads.tapatalk-cdn.com/20170107/90f1e1a1baa2ea0a6678ef38baf7e504.jpg)
![](http://uploads.tapatalk-cdn.com/20170107/0c908c9f4883cba85b0263a2a2897b63.jpg)
كمعلومات عامه عن الطير؛
النوع: كوكاتو سلفر كريستد
العمر: سنتين و شهر من الحجل اللي برجله
نوعية الاكل الحالي خلطه بذور من فستق و حب شمسي و ذره و زوبريم امريكي
طبعا شفتوا الصور كحالة هي شوي صعبه لان محتاج علاج نفسي و بدني و كورس فيتامينات
حاليا بنطر يومين الى 3 ايام حتى انوعله بالأكل لكن محتاج شوركم و نصايحكم و شنو برايكم افضل كورس فيتامينات .. و يعطيكم العافيه
اخوكم ابو حسين
Sent from my SM-N910C using 2zoo.com mobile app
__________________
ابو حسين
|