[ahmed aiman 99]

السلام عليكم ورحمة الله وبركاته

اليوم سأقدم لكم اجابات اسئلة تخطر فى ذهن المربى دائمًا وهى :



1-انا عندى العصافير مش راضيه تبيض اعمل ايه مع العلم انهم بالغين و سنهم كويس؟
------------------------------------------------------------------------------------------
ج-جرب طريقة العزل يعنى انت تعزل النتايه فى قفص تانى و تكون ادام الدكر يعنى يشوفو بعض لمدة 10 ايام و فى اليوم اللى هتدخل فيه النتايه اليوم دا تجوع النتايه و يكون الدكر واكل و شبعان على الاخر و بعدين تشيل من عنده الاكاله (قصدى يعنى لما تتاكد انو واكل و شبعان تشيل الاكاله متجوعوش) و دخل النتايه عليه و استنى شويه بتاع نص ساعة كده و حط الاكاله لو لقيتهم فى مناوشات كده كرر العملية من جديد



2- انا العصافير بتبيض بس البيض فاضى؟
----------------------------------------------------
ج:اديهم جرجير و ه سيلنيوم الجرجير مرتين فى الاسبوع فقط.
ال ه سيلنيوم دا تديهم 5 نقط على المسقاه لمدة 5 ايام فقط كل شهر



3-كم يوم ترقد الانثى على البيض؟؟
--------------------------------------
ج:من 18 الى 21 يوم و عد من اخر بيضه النتايه حطتها يعنى النتايه باضت النهارده عد من اول بكره معاده الزيبرا النتايه بترقد من 13 الى 15 يوم فقط.


4-الحقنى يا ادمن الزغاليل طلعت من غير ريش اعمل ايه؟؟
-----------------------------------------------------------------
ج:الحل انك تعمل بيض بالبقسماط مرتين فى الاسبوع + فيتامين اد3ه + املاح معدنية.
او احتمال سوسة ريش علاجها تدهن على الفروخ بيتادين لحد ما الريش يطلع
لو كانو مفطومين و الريش سقط يبقى ندهن سبرتو احمر
( بيتادين لو كانو فروخ \\\ سبرتو احمر لو مفطومين )
5-انا عايز اريح النتايه من الشغل اعمل ايه؟؟
-----------------------------------------------
ج:ناس تقولك اعزل الدكر عن النتايه و يكونو شايفين بعض عشان يشتاقو لبعض و يشتغلو بسرعه فى الشتاء و ناس تقول شيل العش و ريح نفسك
عادى الطريقتين ‫‏صح‬


6-عندى عصفور عندو اسهال اعمل ايه؟؟
------------------------------------------
ج:يتم العزل فورا و يوضع له مضاد حيوى طبيعى _مضاد حيوى طبيعى = ثوم بالليمون) .
او كولى بريم بيطرى 1سم\لتر ميه 5 ايام


7-كم بيضه تبيض انثى البادجى؟؟
-------------------------------------
ج:من 3 الى 7 بيضات و فى نتى بتبيض اكتر من كده



8-الزغلول بيتم فطمه امتى (البادجى-الاسترالى)؟؟
------------------------------------------------------
لما يطلعله ريش و تتأكد انو بياكل لوحده و بيعرف يعتمد على نفسه و غالبا بيتم كل دا بعد 45 يوم .


آسف على ان المضوع باللهجة المصرية وليس باللغة العربية الفصحى ولكن هذا بسبب ان الموضوع منقول