[أمجـاد]

السلام عليكم


تقريبًا بنص رمضان الببغاء حقي ( الكاسكو الأفريقي ) بدا ريشه يتساقط وصار شكله مو حلو كنه منتف يعني إذا روشته تصير منطقة البطن والصدر عنده كنه دجاجه

هالسالفه صارت معاه من قبل وجيت سألت هنا وقلتوا احتمال كبير يكون تبديل ريش والحمدلله طلع ريش بداله وصار شكله يهبل بس ذيك المره كان بنهاية فصل الشتاء وحنا ألحين بفصل الصيف وهالشيء وسوس بي هل التبديل له فصل معين مثلاً شتاء أو صيف أو ربيع ؟؟؟

لأن فيه ناس حابين يشترون الكاسكو وأخاف يفكرون فيه مرض بعيد الشر عنه

الكاسكو ولله الحمد نظيف ما بوه قمل ولا حشرات والدليل القفص ما فيه شيء خارج عن المألوف ، وصحته ولله الحمد والمنه كويسه وكان مريض بشهر شعبان عانى من الزكام الشديد وعالجته بأدويه وخلصت ومن ثم كملت معه بالليمون والثوم بناءًا على نصائح الأعضاء اللي هنا

سؤالي / كيف أفرق ما بين تبديل الريش وما بين نتف الكاسكو لريشه ؟؟؟ وهل فيه مرض يسبب تساقط الريش غير القمل والله يبعد عنه شر الأمراض

وتفضلوا الصور اليوم صورتها له ، ماشاء الله لا قوة إلا بالله