المواصفات القياسية للمسود المصرى
احبائى الكرام اعضاء تو زوو
جتلكم النهاردة ومعايا موضوع يارب يعجبكم
موضوعنا اليوم عن المواصفات القياسية للمسود المصرى
المسود دة حمامة سوداء وديلها وعشرها ابيض والباقى اسود
له عقصة عريضة بيضاء سلت مفيهاش اى ريش اسود بتبدا من اول الرقبة لغاية قبل الديل
والمسود ثلاثة ابواب
هم على التوالى مسود كالح بوجة طويل : ومسود غزار بعضم قصير
ومسود فلاحى
واحنا مع بعض كدة هنعرف مواصفات كل باب لوحدة بالتفصيل
ــــــــــــــــــــــــــــــــــــــــــــــــــ
اولا: المسود الكالح ابو وش طويل لون عينة زتونى منجم
وشة طويل(عضم بلحة) وعضمة ممتد كانة خارج من اعلى الراس مع استدارة خفيفة جدا والراس منزلقة من الخلف
ولو بصينا على الراس من اعلى نلاقيها هى والمنقار فى استقامة واحدة
الجفن ابيض متوسط السمك والعين واسعة والعظم مستطيل ومليان بلحة وكانة خارج من اعلى الراس مع استدارة خفيفة
لون العضم اشكح بشوية سمرة والاظافر بنفس اللون او سمرة
الارجل قصيرة وخشنة محرشفة وتلاحظة يقف على مؤاخرة قدمة او عرقوبة
ــــــــــــــــــــــــــــــــــــــــــــــــــ
ثانيا: المسود الغزار لة نفس مواصفات المسود ابو وش طويل لكن مع اختلاف شكل المنقار
فالمنقار او العضم هنا قصير ومليان والراس مستديرة بشكل ملحوظ جدا
ــــــــــــــــــــــــــــــــــــــــــــــــــ
ثالثا: المسود الفلاحى هو نفس المسود ابو وش طويل ولكن مع بعض الاختلافات مثل
المسود الفاحى بطنة بيضة ولة مسلة فوق العضم وودعة فى الرقبة واحجبة فى الاكتاف
او فى اخر الرقبة
وبعض المسود الفلاحى لة ضوافر بيضة وبعض لية ضوافر سودة وبنسميها دبل
درجات تحكيم المسود كما يلى:
ـــــــــــــــــــــــــــــــــــــــــــــ
اللون : 25
الظريبة : 15
العين : 10
الجفن : 10
العقصة : 10
الراس من الخلف :10
السحنة : 20
يارب يكون عجب
شبابيات من انتاجى [IMG][/IMG]
مع خالص تحياتى
__________________
التعديل الأخير تم بواسطة : رائد ملكاوي بتاريخ 17-07-2014 الساعة 10:18 PM.
السبب: تنسي+وجود روابط لمواقع اخرى على الصور
|