هههههه صديقتي ما في مشكلة ابداً
الكلب بيحبك كتير لهيك بينطوط عليكي وبيحاول يخليكي تلعبي معو
بس انتبهي منيح ،
كل ما ضربتيه بيصير يعض اكتر وبيصير يعمل عادات سيئة اكتر
بمعنى : العين بالعين والسن بالسن والبادي أظلم
هو بعض الكلاب بتصير تعاند اصحابها اكتر ان انضربت لهيك ألغي الضرب
وخلي بجانبك كيس مكافئات ، وكلما يعمل شي صح اعطيه مكافأة
وبس يعمل شي غلط قوليلو نو بصوت عالي ، وبعدها طنشيه
صدقيني بيعذبك اول كم يوم ، بس بعدين بيصير لحالو يعمل الأشيا الصح مشان المكافأة
للصراحة
انا كنت اضربو لبرايفت اول ما جبتو
بس هالشي كان يضر أكثر ما ينفع لأن كان يوسخ عمداً ببيتو
ويسحب أغطيتو ويعض أكتر وما يرد
لما بطلت اضربو ، وصرت اتجاهلو لما يسوي شي غلط ، وكافئو لما يسوي شي صح
وقتها بعد عدة أيام بانت النتائج الايجابية
وهلا صار رائع جداً
اهم شي خلي المكافئات جنبك ، واعتمدي هالأسلوب عالبطيء
وان شاء الله كم يوم وتشوفي معظم صفاتو السيئة راحت
اما بالنسبة لعض اليد هههههه
هي عادة ما بعرف اذا ممكن الكلب يتخلص منها
انا كلبي لهلا بيعضني بس بشكل خفيف جداً
يعني ما بيوجعني ، بس بيعضني مشان العبلو بشعراتو ههههههه
ان كنتي متدايقة من شغلة العض بإمكانك تدريبيه بكلمة نو و بلمكافئات ، وبعتقد الامور كلها
بتمشي على خير
اما الحمام ، فحاولي خلي الحمام مرتين بس بالشهر ، وما تمشطيه يومياً
صحيح انا ما عندي الخبرة الكافية ، بس عم احكيلك عن تجربة لأن انا ما عندي الوقت لمشط
الكلب يومياً ، ومع هيك شعرو لونو حلو جداً
والأكل تمام التمام ومافيه مشكلة فيه أبداً
بالعكس عاطيتيه حقو للكلب
ربي يقويكي ، تعبانة كتير عليه وعم تشتغليه عليه بكل ممتاز
الله يحفظو الك ، ويبعد ولاد الحرام عنو هههههه