ببغاء كاسكو
السلام عليكم
من 3 ايام شريت ببغاء كاسكو نوعه ذكر ولون عينه صفرا اعتقد عمره سنة وخمس شهور
شرس كتير وعدائي مش اليف وصوته كتير مزعج ومؤذي
سؤالي انا قرفانة منو حابة اعرف كيف طريقة احممو فيها مش اول مرة اربي ببغاء بس اللي كان عندي كوكاتو اليف كنت احممو باديي هاد مش عارفة كيف اتعامل معو
تاني شي حابة استفسر عن طريقتي هل هية صحيحة والا غلط مع تعاملي معو
اول يوم اجا كان خايف والكل حواليه ما سكت ابدا ابدا تركتو يوخد جو البيت
تاني يوم عزلتو بمكان هادي وحسيتو سكت وصار شوي متطمن ورددت عليه كلمات
تالت يوم رددت نفس الكلمات السهلة وفتحت باب القفص ما رضي يطلع منو طلعتو بالقوة لفيت يدي بقماش وطلعتو
اليوم كمان نفس الكلمات ليحفظهم وطلعتو بالقوة وحاولت احسس عليه واحملو بس كل مرة عم احملو عم يهرب مني بس حساه غير عن اول مرة
هلق من رابع يوم صار يخليني اطعميه باديي وقرب عليه بينا مسافة 12سم بالزبط مسافة كتير قريبة ومتلاصقة وما بصرخ زي اول ولا بهجم
بس اول ما اجي حط اديي بعض
طريقتي صح معو والا غلط بترويضه ؟؟؟؟؟
ا
|