|
رد: كيف ازرع الطماطم والفراولة منزليا بالبذور
اهلا بيك
الطماطم
الاسهل انك تزرعها شتله يعنى تشترى الشتله جاهزه هيوفر عليك وقت وجهد
لانك هتشتريها وتزرعها على طول فى الاصيص او التربه الى انت مجهزها
اما لو عايز تزرع بالبذره
هتجيب علبه التلج الافضل تكون دواير او مربعات زى دى
الطريقه : هتحط طبقه تربه بعدين بذره واحده بعدين طبقه تربه تانيه بس متكنش كتيره
ولما الشتله تكبر هتنقلها منها للتربه المستديمه تكون مجهز التربه رطبه ويكون فيها مايه كويس
وتنقل فيها الشتله وبس كده
الفراوله
دى صعبه جدا الافضل تكون شتله
لانك لو عايز البذور من الثمر موال بحاله
اما لما هتشترى البذور جاهزه حطها فى مايه دفيه لمده 8 ساعات
وبعدين خرجها ونشفها كويس بمنديل وسيبها تنشف لمده يوم
بعدين حطها فى علبه او كيس ودخلها الفريزر لمده اسبوعين
وخرجها بعد اسبوعين وسيبها فى درجه حراره الغرفه
وهتجيب الاصيص وتحت فى التربه الافضل انها تكون رميله
هتحط شويه تربه بعدين البذور بعدين شويه تربه تانيه
وترش مايه عليها بس متخليش البذور تتعرى من التربه
وتخليها فى مكان مباشر للشمس
ولما تطلع النبته وتكون ورق تنقلها لاصيص اكبر
طبعا ممكن تتفادى كل ده بالشتله
اتمنى اكون وضحتلك
|