[تشآرلي]

وعليكم السلام ورحمة الله وبركاته

ماشاء الله تبارك الله

الزوج لما يدخل البياضه ... ليس حبآ فيها او من علامات انه بيفرخ ..

الطيور الغير اليفه تدخله لانها تشعر انها بأمان وانك لا تستطيع النظر لها او الامساك بها ...

وعند التجهيز للانتاج ... لا تجد الزوج داخل البياضه .. فقط الانثى تبدا بالدخول بعد التلقيح الاول ..

في البدايه .. الذكر يدخل البياضه يستطلع المكان .. وبعدها تدخل الانثى وتستمر لفترات داخل البياضه

وان وجد قطع خشبيه تبدا بالتفتيت وتحويلها مثل النشاره ..

هذا للزوج الطبيعي الغير اليف .. لكن لو سمعت انك بتدخل غرفة الانتاج .. يدخلون الاثنين من الخوف فقط ..

متى تستكشف ان الزوج يجهز للانتاج ؟؟

يلزمك تضع كاميرا مراقبه للغرفه .. وراقب تحركاتهم في الصباح الباكر ..

راح تشاهد الذكر والانثى خارج البياضه يأكلون .. بعد الانتهاء من الاكل ..

كثرة دخول الانثى للبياضه والخروج منها .. فهذي تعتبر تجهيز للانتاج ..

ودخول الذكر للبياضه بكثره لا يعني انهم على استعداد للانتاج ..

~~~

الزوج الاليف ..

مايحتاجون يدخلون البياضه لانه غيرر متوتر وقلق .. وتكفي دخول الانثى والذكر مره واحده فقط من بداية

دخولهم قفص الانتاج فقط للاستطلاع ..

واعتقد ان الزوج الاليف على وشك الانتاج بأذن الله .. بعكس الطيور التي داخل البياضه اغلب وقتها ..

ماينقصك بالزوج الاليف للانتاج .. الانثى

الانثى لما تمد رقبتها وتنظر للبياضه من الخارج فقط .. يعني انها ليست مطمئنه للبياضه بكفايه

بالعاده الانثى قبل ماتسمح للذكر بالتلقيح الا لما تتاكد من البياضه وتكثر الدخول والخروج من البياضه

لا تحاول تفتح البياضه بالوقت الحالي او تعدل عليها .. اعطيهم الوقت الكافي لكي يحسون بالامان من البياضه

لازم يدخل الذكر البياضه بالاول ويشجع الانثى تدخل بعده ..

اعتقد والله اعلم .. الطير تخاف تدخل البياضه وتعلق ولا تستطيع الخروج منه ..

س : انت مجهز طرق تسهل الزوج من الدخول والخروج .. مثل السلم ؟

استعين بالصبر وربي بيوفقك ان شاء الله

وان طالت المده ( 3 اشهر ) .. يلزمك تغير تصميم البياضه ..

بالتوفيق