[هاوي كوكتيل]

السلآم عليكم ورحمـه الله وبركـاته

شخبآركم عسآكم بخيـر

تقبل الله منا ومنكم صيآمنا وقيامنا واعاده الله لنا بالخير والمسرات وكل عام وانتم بخيـر

اخواني الاعزاء

لدي زوج كروان طبعا اولاً كانت الانثى عندي قبل الذكر انثى لاتينو وبعد ذالك شريت لها ذكر

طبعا استمروا مع بعـض قرابه اسبوعين ولكن المشكله لم يتوالفو كل يوم يغرد لها الذكر ويقرب منها وتطرده طبعا الذكر حسب كلام راعيه انه حار شويتين عمره اعتقد 9 اشهر مو اكيد

طبعا هم يحطون راسهم عند بعض كل واحد يبي الثاني يحك راسه
لكن بالاخير محد يحك راس الثاني ويتهاوشون كالعاده ودائما الذكر يفرد شوي من جناحه ويجي جنبها يغرد لكن الانثى تطرده
وبعض الاحيان تنحاش وتنزل تحت ماتجيه ولاتقرب له
وعلشان كذا فرقتهم اليوم قلت لعلى وعسى يتوالفون بعد مارجعهم

على العموم هذي الصور

الذكر

ماشاء الله



الانثى

ماشاء الله



والي ابيه منكم انكم تعلموني هل هم بالغين وكم اعمارهم تقريبا

بخصوص الانثى تراني متاكد انها انثى فردت جناها وطلعت كلها منقطه با اصفر من اول الجناح الى اخره

والذكر مافيه نقاط ابدا

وهل هم جاهزين للانتآج ..؟

لاني اشوف الذكر يبي يلقها بس ترفضه وقلت افرقهم .. وكم يوم افرقهم الافضل اسبوع ..؟