[كل الدلع]

أختي اعتبري الطير كانه طفل
قد شفتي طفل يؤلف على ناس اجانب من اول مره
الا بيبكي ويصرخ الين بتعود كم يوم على الناس
اللي عندك زي كدا اصبري ولا تسيير قلوقه
وقلتلك من اول لا تمسكيه حيخاف ويعضك
لكن حاولي تتكلمي معاه وهو بالقفص كم يوم وبعدها افتحي باب القفص ويخليكي بعيده عن القفص شويتين
شيلي صحن الحبوب لمده ساعه ونص او ساعتين وبعدين جيبي فصفص بيدك وإعطيه
او اذا خائفه انه يعضك فكي باب القفص وارمي الحبوب برا القفص وهو حيطلع ويأكل
يا عزيزتي من قبل لا تشتري الطير واحنا قلنا لك ان تربية الكبير يبغالها وقت وصبر مؤ زي الفرخ
بالنسبة لموضوع الجناح أنا ما افضل تقصيها
اول شي لانها عمليه جداً مؤلمه للطير ونفسيته حتتعب
تاني شي ممكن يكرهك
فالحل انك تخليه بغرفه شباكها مقفل وحتى لو طار حيطلع فوق الستارة او فوق الدولاب
ويمديكي تجيبيه
يعني انتي طيرك لهما أتعود يخرج من القفص فليش تقصي الجناح
لما يتعود يخرج ويطير من غرفه لغرفه او يغلبك وقتها قصيه يكون قده والف عليكي

^ مجرد رأيي وموفقه